ബെയ്ജിംഗ്: ബഹിരാകാശത്ത് സ്ഥാപിക്കാൻ പോകുന്ന സ്റ്റേഷന്റെ ഭാഗങ്ങൾ ചൈന എത്തിച്ചുതുടങ്ങി. സഞ്ചാരികളുടെ താമസസ്ഥലം ഉൾപ്പെടുന്ന ടിയാൻഹെ മൊഡ്യൂൾ ഇന്നലെ വിക്ഷേപിച്ചു.
ടിയാൻഗോംഗ് എന്ന സ്റ്റേഷൻ 2022ൽ പ്രവർത്തനസജ്ജമാക്കാനാണു ചൈനയുടെ പദ്ധതി.
66 ടൺ ഭാരമുള്ള ഇത് പത്തു വർഷം ഉപയോഗിക്കാൻ കഴിയും. ടിയാൻഗോംഗ്-1, ടിയാൻഗോംഗ്-2 എന്നീ രണ്ടു താത്കാലിക സ്റ്റേഷനുകൾ പരീക്ഷണാടിസ്ഥാനത്തിൽ നേരത്തേ ബഹിരാകാശത്ത് എത്തിച്ചിരുന്നു.
ഇപ്പോൾ ബഹിരാകാശത്തു പ്രവർത്തിക്കുന്ന അന്താരാഷ്ട്ര ബഹിരാകാശ സ്റ്റേഷൻ പദ്ധതിയിൽ ചൈന അംഗമല്ല.
ചൈനീസ് ബഹിരാകാശ സ്റ്റേഷൻ ഘടകങ്ങൾ വിക്ഷേപിച്ചു
01:06 AM Apr 30, 2021 | Deepika.com