വത്തിക്കാൻ സിറ്റി: ഫ്രാൻസിസ് മാർപാപ്പയും എമരിറ്റസ് മാർപാപ്പ ബെനഡിക്ട് പതിനാറാമനും കോവിഡ് വാക്സിന്‍റെ ആദ്യ ഡോസ് സ്വീകരിച്ചതായി വത്തിക്കാൻ പ്രസ് ഓഫീസ് മേധാവി മത്തെയോ ബ്രൂണി അറിയിച്ചു.
ബുധനാഴ്ചയാണു വത്തിക്കാനിൽ വാക്സിനേഷൻ ആരംഭിച്ചത്. ഫ്രാൻസിസ് മാർപാപ്പയ്ക്ക് 84ഉം ബെനഡിക്ട് പതിനാറാമന് 93ഉം വയസുണ്ട്.
ഫ്രാൻസിസ് മാർപാപ്പ ഞായറാഴ്ച ഇറ്റാലിയൻ ചാനലിനു നല്കിയ അഭിമുഖത്തിൽ, എല്ലാവരെ യും വാക്സിൻ സ്വീകരിക്കാൻ ആഹ്വാനം ചെയ്തിരുന്നു. സ്വന്തം ജീവിതവും മറ്റുള്ളവരുടെ ജീവിതവും വച്ചു ചൂതുകളിക്കരുതെന്നും വാക്സിൻ സ്വീകരിക്കാനുള്ള ധാർമിക ഉത്തരവാദിത്വം എല്ലാവർക്കുമുണ്ടെന്നും അദ്ദേഹം വിശദീകരിച്ചു.
ഫ്രാൻസിസ് മാർപാപ്പയ്ക്ക് 21 വയസുള്ളപ്പോൾ അസുഖംമൂലം ഒരു ശ്വാസകോശം നീക്കം ചെയ്തിരുന്നു.
മാർപാപ്പ വാക്സിൻ സ്വീകരിച്ചു
11:46 PM Jan 14, 2021 | Deepika.com