ലണ്ടൻ: കോവിഡിന്‍റെ രണ്ടാംവരവിനെത്തുടർന്ന് യുകെയിൽ വീണ്ടും ലോക്ക്ഡൗണിനു സാധ്യത. രാജ്യത്ത് ആപത്കരമായ സ്ഥിതിവിശേഷമാണു നിലനിൽക്കുന്നതെന്ന് കോവിഡ് പ്രതിരോധത്തിനുള്ള ഉപദേശക സമിതി അംഗമായ പീറ്റർ ഹൊർബി അഭിപ്രായപ്പെട്ടു.
വടക്കൻ മേഖലകളിലെ ചില ആശുപത്രികളിൽ ഇതിനകം രോഗികളുടെ എണ്ണം ഏറെ ഉയർന്നുകഴിഞ്ഞു. തീവ്രപരിചരണവിഭാഗത്തിലെ കിടക്കകൾ നിറയും. കടുത്ത പ്രതിസന്ധിയിലേക്ക് പോകുംമുന്പ് വേഗത്തിൽ തീരുമാനം എടുക്കുകയാണ് ഉചിതമെന്നും അദ്ദേഹം വ്യക്തമാക്കി.
രോഗികളുടെ എണ്ണം ക്രമാതീതമായി ഉയരുന്ന സാഹചര്യത്തിൽ ത്രിതല സംവിധാനത്തിലുള്ള ലോക്ഡൗണിനെക്കുറിച്ച് പ്രധാനമന്ത്രി ബോറിസ് ജോൺസൺ പ്രഖ്യാപനം നടത്തുമെന്ന സൂചനകളുമുണ്ട്.
15.166 പേർക്കുകൂടി രോഗം സ്ഥിരീകരിച്ചതോടെ രാജ്യത്തെ കോവിഡ് ബാധിതരുടെ എണ്ണം 590,844 ആയി. 81 മരണംകൂടി ആയതോടെ ആകെ മരണസംഖ്യ 42,760 ആയി.
യുകെയിൽ വീണ്ടും ലോക്ക്ഡൗൺ?
11:50 PM Oct 12, 2020 | Deepika.com