ഇ​ന്ത്യ​ന്‍ മാ​ര്‍ക്ക​റ്റി​ല്‍ മു​ന്‍നി​ര സൂ​ചി​ക​ക​ള്‍ തകർച്ചയിൽ

ഓഹരി അവലോകനം / സോണിയ ഭാനു

മും​ബൈ: വി​ദേ​ശ ധ​ന​കാ​ര്യ​സ്ഥാ​പ​ന​ങ്ങ​ള്‍ ഇ​ന്ത്യ​ന്‍ മാ​ര്‍ക്ക​റ്റി​ല്‍ ബാ​ധ്യ​ത​ക​ള്‍ കു​റ​ക്കാ​ന്‍ ന​ട​ത്തി​യ തി​ര​ക്കി​ട്ട നീ​ക്കം ബോം​ബെ സെ​ന്‍സെ​ക്‌​സി​നെ​യും നി​ഫ്റ്റി​യെ​യും ത​ള​ര്‍ത്തി. ആ​ഗോ​ള വി​പ​ണി​ക​ളി​ല്‍ വി​ല്‍പ്പ​ന സ​മ്മ​ര്‍ദം ഉ​ട​ലെ​ടു​ക്കു​മെ​ന്ന് മു​ന്‍വാ​രം ന​ല്‍കി​യ സൂ​ച​ന ശ​രി​വെ​ക്കും വി​ധ​ത്തി​ലാ​യി​രു​ന്നു തു​ട​ക്കം മു​ത​ല്‍ പ്ര​മു​ഖ ഇ​ന്‍ഡ​ക്‌​സു​ക​ളു​ടെ ച​ല​ന​ങ്ങ​ള്‍.

ഇ​ന്ത്യ​ന്‍ മാ​ര്‍ക്ക​റ്റി​ല്‍ മു​ന്‍നി​ര സൂ​ചി​ക​ക​ള്‍ പി​ന്നി​ട്ട​വാ​രം നാ​ല് ശ​ത​മാ​നം ത​ക​ര്‍ച്ച​യി​ലാ​ണ്. സെ​ന്‍സെ​ക്‌​സ് 1457 പോ​യന്‍റും നി​ഫ്റ്റി 454 പോ​യന്‍റും ക​ഴി​ഞ്ഞ​വാ​രം ഇ​ടി​ഞ്ഞു. ഉ​യ​ര്‍ന്ന നി​ല​വാ​ര​മാ​യ 11,535 ല്‍ ​നി​ന്നു​ള്ള നി​ഫ്റ്റി​യു​ടെ ത​ക​ര്‍ച്ച​യി​ല്‍ മു​ന്‍വാ​രം ഇ​തേ കോ​ള​ത്തി​ല്‍ സൂ​ചി​പ്പി​ച്ച 11,031 ലെ ​സ​പ്പോ​ര്‍ട്ട് വാ​രാ​ന്ത്യം ര​ക്ഷ​യാ​യി മാ​റി. ഒ​രു വേ​ള സൂ​ചി​ക 10,790 ലേ​യ്ക്ക് പ​രീ​ക്ഷ​ണം ന​ട​ത്തി​യെ​ങ്കി​ലും ഈ ​അ​വ​സ​ര​ത്തി​ല്‍ ആ​ഭ്യ​ന്ത​ര മ്യൂ​ച്വ​ല്‍ ഫ​ണ്ടു​ക​ളും പ്ര​ദേ​ശി​ക നി​ക്ഷേ​പ​ക​രും വാ​ങ്ങ​ലു​കാ​രാ​യി അ​ണി​നി​ര​ന്ന​ത് തി​രി​ച്ചു വ​ര​വി​ന് അ​വ​സ​രം ഒ​രു​ക്കി.

വാ​രാ​ന്ത്യം 11,050 പോ​യന്‍റില്‍ നി​ല​കൊ​ള്ളു​ന്ന നി​ഫ്റ്റി​ക്ക് ഈ ​വാ​രം ആ​ദ്യ ക​ട​ന്പ 11,460 ലാ​ണ്. ഈ ​റേ​ഞ്ചി​ലേ​യ്ക്ക് ഉ​യ​രാ​നാ​യി​ല്ലെ​ങ്കി​ല്‍ സൂ​ചി​ക 10,71510,380 റേ​ഞ്ചി​ലേ​യ്ക്ക് തി​രു​ത്ത​ല്‍ തു​ട​രാം. വി​പ​ണി​യു​ടെ മ​റ്റ് സാ​ങ്കേ​തി​ക വ​ശ​ങ്ങ​ള്‍ പ​രി​ശോ​ധി​ച്ചാ​ല്‍ സൂ​പ്പ​ര്‍ ട്രെ​ന്റ്റ്, പാ​രാ​ബോ​ളി​ക്ക് എ​സ്എ​ആ​ര്‍ എ​ന്നി​വ സെ​ല്ലി​ംഗ് മൂ​ഡി​ലാ​ണ്.

ബോം​ബെ സെ​ന്‍സെ​ക്‌​സി​ന് 38,845 പോ​യന്‍റിൽ നി​ന്ന് 38,990 വ​രെ ഉ​യ​രാ​നാ​യു​ള്ളു. ഈ ​അ​വ​സ​ര​ത്തി​ല്‍ മു​ന്‍നി​ര ഓ​ഹ​രി​ക​ളി​ല്‍ ലാ​ഭ​മെ​ടു​പ്പി​ന് വി​ദേ​ശ ഓ​പ്പ​റേ​റ്റ​ര്‍മാ​ര്‍ ഉ​ത്സാ​ഹി​ച്ച​തോ​ടെ സൂ​ചി​ക 36,495 വ​രെ ഇ​ടി​ഞ്ഞു. വ​ന്‍ ത​ക​ര്‍ച്ച​യ്ക്ക് ഇ​ട​യി​ല്‍ പു​തി​യ നി​ക്ഷേ​പ​ക​ര്‍ രം​ഗ​ത്ത് ഇ​റ​ങ്ങി​യ​തോ​ടെ വെ​ള്ളി​യാ​ഴ്ച്ച 835 പോ​യന്‍റ് കു​തി​പ്പി​ല്‍ ക്ലോ​സി​ംഗ്്‍ സൂ​ചി​ക 37,388 പോ​യന്‍റിലേ​യ്ക്ക് ക​യ​റി. ഈ​വാ​രം 36,258 ലെ ​ആ​ദ്യ സ​പ്പോ​ര്‍ട്ട് ന​ഷ്ട​പ്പെ​ട്ടാ​ല്‍ 35,129 ലേ​യ്ക്ക് പ​രീ​ക്ഷ​ണം ന​ട​ത്താം. അ​തേസ​മ​യം മു​ന്നേ​റാ​ന്‍ തു​നി​ഞ്ഞാ​ല്‍ 38,753 പോ​യി​ന്റ്റി​ല്‍ പ്ര​തി​രോ​ധം നേ​രി​ടാം.

ഇ​തി​നി​ട​യി​ല്‍ സെ​പ്റ്റം​ബ​ര്‍ സീ​രീ​സ് സെ​റ്റി​ല്‍മെ​ന്‍റും ഓ​പ്പ​റേ​റ്റ​ര്‍മാ​രെ വി​ല്‍പ്പ​ന​യ്ക്ക് പ്രേ​രി​പ്പി​ച്ചു. വി​ദേ​ശ ഓ​പ്പ​റേ​റ്റ​ര്‍മാ​ര്‍ സെ​പ്റ്റം​ബ​റി​ല്‍ ഇ​തി​ന​കം 4000 കോ​ടി രൂ​പ​യു​ടെ ഓ​ഹ​രി​ക​ള്‍ വി​റ്റ​ഴി​ച്ചു.

മി​ഡ്ക്യാ​പ്, സ്‌​മോ​ള്‍ ക്യാ​പ് വി​ഭാ​ഗ​ങ്ങ​ളി​ല്‍ നൂ​റി​ല്‍ അ​ധി​കം ഓ​ഹ​രി വി​ല​ക​ള്‍ പി​ന്നി​ട്ട വാ​രം 10 മു​ത​ല്‍ 20 ശ​ത​മാ​നം വ​രെ ഇ​ടി​ഞ്ഞു. സ്റ്റീ​ല്‍, ഫാ​ര്‍മ​സ്യൂ​ട്ടി​ക​ല്‍, ഓ​ട്ടോ​മൊ​ബൈ​ല്‍ വി​ഭാ​ഗ​ങ്ങ​ള്‍ സ​മ്മ​ര്‍ദത്തി​ല​യി​രു​ന്നു.

റി​സ​ര്‍വ് ബാ​ങ്ക് വാ​യ്പ്പാ അ​വ​ലോ​ക​ന​ത്തെ വി​പ​ണി ഉ​റ്റ്‌​നോ​ക്കു​ന്നു. മ​ന്ദ​ഗ​തി​യി​ല്‍ നീ​ങ്ങു​ന്ന സ​മ്പ​ദ്വ്യ​വ​സ്ഥ​യ്ക്ക് ഉ​ണ​ര്‍വ് പ​ക​രാ​ന്‍ പ​ലി​ശ നി​ര​ക്കു​ക​ളി​ല്‍ ഭേ​ഗ​തി​ക​ള്‍ക്ക് ആ​ര്‍ ബി ​ഐ ത​യ്യാ​റാ​വു​മോ അ​തോ നി​ല​വി​ലെ സ്ഥി​തി തു​ട​രു​മോ. ഒ​ക്ടോ​ബ​ര്‍ ഒ​ന്നി​ന് ന​ട​ക്കു​ന്ന യോ​ഗ തീ​രു​മാ​ന​ത്തെ വി​പ​ണി കാ​ത്തി​രി​ക്കു​ന്നു. മാ​സ​മ​ധ്യം വി​വി​ധ കേ​ന്ദ്ര ബാ​ങ്കു​ക​ളു​ടെ വാ​യ്പ്പാ അ​വ​ലോ​ക​ന​ത്തി​ല്‍ പ​ല രാ​ജ്യ​ങ്ങ​ളും പ​ലി​ശ ഇ​ന​ത്തി​ല്‍ മാ​റ്റം വ​രു​ത്തി​യി​ല്ല. യു ​എ​സ് ഫെ​ഡ് റി​സ​ര്‍വ് 2023 വ​രെ പ​ലി​ശ സ്റ്റെ​ഡി​യാ​യി തു​ട​രു​മെ​ന്ന നി​ല​പാ​ടി​ലാ​ണ്.

രൂ​പ​യു​ടെ മൂ​ല്യം വീ​ണ്ടും കു​റ​ഞ്ഞു. വി​നി​മ​യ നി​ര​ക്ക് 73.58 ല്‍ ​നി​ന്ന് 73.96 ലേ​യ്ക്ക് ഇ​ടി​ഞ്ഞ ശേ​ഷം ക്ലോ​സി​ങി​ല്‍ 73.70 ലാ​ണ്. ഉ​ത്സ​വ സീ​സ​ണ്‍ മു​ന്നി​ല്‍ ക​ണ്ട് വ്യ​വ​സാ​യി​ക​ള്‍ സ്വ​ര്‍ണ ഇ​റ​ക്കു​മ​തി​ലേ​യ്ക്ക് ശ്ര​ദ്ധ​തി​രി​ച്ച​തും, വി​ദേ​ശ ഫ​ണ്ടു​ക​ള്‍ ഓ​ഹ​രി വി​റ്റു ഡോ​ള​ര്‍ ശേ​ഖ​രി​ച്ച​തും രൂ​പ​യെ സ​മ്മ​ര്‍ദ്ദ​ത്തി​ലാ​ക്കി.

രാ​ജ്യ​ത്തെ വി​ദേ​ശ നാ​ണ​യ ക​രു​ത​ല്‍ ശേ​ഖ​രം സെ​പ്റ്റം​ബ​ര്‍ 18 ന് ​അ​വ​സാ​നി​ച്ച വാ​രം 3.378 ബി​ല്യ​ണ്‍ ഡോ​ള​ര്‍ ഉ​യ​ര്‍ന്ന് 545.038 ബി​ല്യ​ണ്‍ ഡോ​ള​റെ​ന്ന സ​ര്‍വ​കാ​ല റെ​ക്കോ​ര്‍ഡ് നി​ല​വാ​ര​ത്തി​ലാ​ണ്.

രാ​ജ്യാ​ന്ത​ര ക്രൂ​ഡ് ഓ​യി​ല്‍ വി​ല​യി​ല്‍ നേ​രി​യ കുറവ്. എ​ണ്ണ വി​ല ബാ​ര​ലി​ന് 41 ഡോ​ള​റി​ല്‍ നി​ന്ന് 40.09 ഡോ​ള​റാ​യി. അ​തേ സ​മ​യം സ്വ​ര്‍ണ​ത്തി​ന് വ​ന്‍ ത​ക​ര്‍ച്ച നേ​രി​ട്ടു. ട്രോ​യ് ഔ​ണ്‍സി​ന് 1959 ഡോ​ള​റി​ല്‍ ഇ​ട​പാ​ടു​ക​ള്‍ ന​ട​ന്ന മ​ഞ്ഞ​ലോ​ഹം ഒ​ര​വ​സ​ര​ത്തി​ല്‍ 110 ഡോ​ള​റി​ന്‍റെ തി​രു​ത്ത​ല്‍ കാ​ഴ്ച്ച​വെ​ച്ച് 1848 വ​രെ താ​ഴ്ന്ന ശേ​ഷം വ്യാ​പാ​രാ​ന്ത്യം 1860 ഡോ​ള​റി​ലാ​ണ്. സ്വ​ര്‍ണ വി​പ​ണി അ​തി​ന്‍റെ 200 ദി​വ​സ​ത്തെ ശ​രാ​ശ​രി​യാ​യ 1754 ഡോ​ള​റി​ലെ താ​ങ്ങി​നെ ഉ​റ്റ്‌​നോ​ക്കു​ന്നു.