മോസ്കോ: റഷ്യൻ ബഹിരാകാശ ഏജൻസി റോസ്കോസ്മോസിന്റെ മേധാവി ദിമിത്രി റഗോസിന്റെ മാധ്യമ ഉപദേഷ്ടാവ് ഇവാൻ സാഫ്രോനോവിലെ ചാരവൃത്തിക്കുറ്റത്തിന് അറസ്റ്റ് ചെയ്തു. റോസ്കോസ്മോസിലെ ജോലിയുമായി ബന്ധപ്പെട്ടല്ല അറസ്റ്റെന്ന് ഫെഡറൽ സെക്യൂരിറ്റി സർവീസ് വിശദീകരിച്ചു.
ഇദ്ദേഹം മുന്പു രണ്ടു പത്രങ്ങളിൽ പ്രവർത്തിച്ചിരുന്നു. സൈനികം, ബഹിരാകാശ ഗവേഷണം എന്നീ വിഷയങ്ങളിലാണ് എഴുതിയിരുന്നത്.
പ്രതിരോധ രഹസ്യങ്ങൾ ഒരു നാറ്റോ രാജ്യത്തിന് ചോർത്തിക്കൊടുത്തുവെന്ന കുറ്റത്തിന് സാഫ്രോനോവിനെതിരേ രാജ്യദ്രോഹക്കുറ്റം ചുമത്തി. ഇദ്ദേഹത്തിന്റെ സുഹൃത്തെന്നു കരുതപ്പെടുന്ന മുതിർന്ന വനിതാ മാധ്യമപ്രവർത്തക തെയ്സിയ ബെക്ബുലാട്ടോവയെ പോലീസ് കസ്റ്റഡിയിലെടു ത്തിട്ടുണ്ട്.
റോസ്കോസ്മോസ് ജീവനക്കാരൻ അറസ്റ്റിൽ
12:14 AM Jul 08, 2020 | Deepika.com