മോസ്കോ: ചൈനീസ് ബയോടെക് കന്പനി കാൻസിനോ വികസിപ്പിച്ചെടുത്ത കൊറോണ വൈറസ് വാക്സിൻ ചൈനീസ് സൈനികർക്കു നൽകാൻ അനുമതി. ഹോങ്കോംഗ് സ്റ്റോക്ക് എക്സ്ചേഞ്ചിലൂടെ തിങ്കളാഴ്ചയാണ് കന്പനി ഈ വിവരം നിക്ഷേപകരെ അറിയിച്ചത്.
മിലിട്ടറി മെഡിക്കൽ സയൻസ് അക്കാഡമിയുടെ കീഴിലുള്ള ബയോ എൻജിനിയറിംഗും കാൻസിനോ കന്പനിയും സംയുക്തമായാണ് എഡി5-എൻകോവ് എന്ന കോവിഡ് വാക്സിൻ വികസിപ്പിച്ചത്. സൈന്യത്തിന് പ്രത്യേകമായി വേണ്ട മരുന്ന് എന്ന നിലയിൽ ജൂൺ 25 ആണ് സെൻട്രൽ മിലിട്ടറി കമ്മീഷൻ വാക്സിന് അനുമതി നൽകിയത്. ഒരു വർഷത്തേക്കാണ് അനുമതി. ജൂൺ 11 ന് വാക്സിന്റെ രണ്ടാം ഘട്ട ക്ലിനിക്കൽ പരീക്ഷണം വിജയകരമായി പൂർത്തിയാക്കിയിരുന്നു.
ചൈനീസ് കോവിഡ് വാക്സിന് അനുമതി
11:10 PM Jun 29, 2020 | Deepika.com