മുംബൈ: നിഫ്റ്റി വീണ്ടും പതിനായിരത്തിനു മുകളിലെത്തി. തുടർച്ചയായ ആറാം ദിവസവും സൂചികകൾ ഉയർന്നതും 2020-ലെ റിക്കാർഡായി. ബാങ്കിംഗ്, ഫിനാൻസ് കന്പനികൾക്കു വലിയ ഡിമാൻഡ് കണ്ടു. റിലയൻസ് ഇൻഡസ്ട്രീസിന്റെ അവകാശ ഇഷ്യു വിജയകരമായതും വിപണിയെ സന്തോഷിപ്പിച്ചു.
സെൻസെക്സ് ഒരവസരത്തിൽ 34,488.69 വരെ ഉയർന്നതാണ്. പിന്നീട് 284.01 പോയിന്റ് (0.84 ശതമാനം) നേട്ടത്തിൽ 34,109.54-ൽ ക്ലോസ് ചെയ്തു. നിഫ്റ്റി 82.45 പോയിന്റ് ഉയർന്ന് 10,061.55-ൽ ക്ലോസ് ചെയ്തു. മാർച്ച് 11-നു ശേഷം ആദ്യമാണ് 10,000-നു മുകളിൽ നിഫ്റ്റി ക്ലോസ് ചെയ്യുന്നത്.
വിദേശനിക്ഷേപകർ ഈ ദിനങ്ങളിൽ ഇന്ത്യൻ ഓഹരികൾ കാര്യമായി വാങ്ങുന്നുണ്ട്. ചൊവ്വാഴ്ച 7498 കോടി രൂപയുടെ ഓഹരികൾ അവർ വാങ്ങിക്കൂട്ടി
ഓഹരികൾ വീണ്ടും മുന്നോട്ട്
11:02 PM Jun 03, 2020 | Deepika.com