കുവൈറ്റ്: നോർത്തേൺ അറേബ്യയിലെ അപ്പസ്തോലിക് വികാരിയാത്തിന്റെ അപ്പസ്തോലിക് അഡ്മിനിസ്ട്രേറ്ററായി ബിഷപ് പോൾ ഹിൻഡർ ഒഎഫ്എം കപ്പൂച്ചിനെ മാർപാപ്പ നിയമിച്ചു. ഇപ്പോൾ സതേൺ അറേബ്യയുടെ അപ്പസ്തോലിക് വികാരിയാണ് ഇദ്ദേഹം.
സ്വിറ്റ്സർലൻഡുകാരനായ ബിഷപ് ഹിൻഡർ 1967ൽ വൈദികനായി ദൈവശാസ്ത്രത്തിൽ ഡോക്ടറേറ്റുണ്ട്. സെമിനാരി പ്രഫസർ, പ്രൊവിൻഷ്യൽ, ഫ്രാൻസിസ്കൻ സഭയുടെ ജനറൽ കൗൺസിലർ എന്നീ നിലകളിൽ പ്രവർത്തിച്ചു. 2003ൽ അറേബ്യയുടെ സഹായമെത്രാനായി നിയമിതനായി.
ഇതുവിഭജിച്ച് ഖത്തർ, ബഹറിൻ, സൗദി അറേബ്യ, കുവെെറ്റ് എന്നീ രാജ്യങ്ങൾ ഉൾപ്പെടുത്തി 2011ൽ നോർത്തേൺ അറേബ്യ വികാരിയാത്തും യെമൻ, ഒമാൻ, യുഎഇ എന്നിവ ഉൾപ്പെടുത്തി സതേൺ അറേബ്യ വികാരിയാത്തും സ്ഥാപിച്ചു. 2020 ഏപ്രിൽ 12ന് ബിഷപ് കമില്ലോ ബല്ലീൻ മരിച്ചതോടെ സതേൺ അറേബ്യയുടെ അപ്പസ്തോലിക് വികാരി സ്ഥാനം ഒഴിഞ്ഞുകിടക്കുകയായിരുന്നു.
കുടിയേറ്റക്കാരുടെ അജപാലന ശുശ്രൂഷയ്ക്കുള്ള പൊന്തിഫിക്കൽ കൗൺസിലിൽ ബിഷപ് പോൾ ഹിൻഡർ അംഗമാണ്.
ബിഷപ് ഡോ. പോൾ ഹിൻഡർ നോർത്തേൺ അറേബ്യയുടെ അപ്പസ്തോലിക് അഡ്മിനിസ്ട്രേറ്റർ
11:58 PM Jun 01, 2020 | Deepika.com