ഹ്യൂണ്ടായ് ഷോറൂമുകള് പ്രവര്ത്തനം തുടങ്ങി
11:35 PM May 27, 2020 | Deepika.com
കൊച്ചി: ഹ്യൂണ്ടായിയുടെ 806 ഡീലര്ഷിപ്പുകളും 863 സര്വീസ് സെന്ററുകളും പ്രവര്ത്തനം പുനരാരംഭിച്ചു. ഈമാസം എട്ടുമുതല് ഷിഫ്റ്റ് അടിസ്ഥാനത്തില് രാജ്യത്തെ പ്ലാന്റുകളില് ഹ്യൂണ്ടായ് കാറുകളുടെ ഉത്പാദനവും ആരംഭിച്ചു. ഇതിനകം 9,000 പുതിയ ബുക്കിംഗ് ലഭിച്ചു. 5,600 പുതിയ കാറുകള് ഡെലിവറി ചെയ്തു. രാജ്യത്തെ 530 സിറ്റികളിലായി ഇതിനകം ഒരു ലക്ഷത്തില്പരം കാറുകളുടെ സര്വീസ് നടത്തിയതായി ഹ്യൂണ്ടായ് മോട്ടോര് ഇന്ത്യ ലിമിറ്റഡ് സെയില്സ് ആന്ഡ് മാര്ക്കറ്റിംഗ് സര്വീസ് ഡയറക്ടര് തരുണ് ഗാര്ഗ് പറഞ്ഞു.