ഹോങ്കോംഗ്: അമേരിക്കയിലെ ലാസ് വേഗസിനെ വെല്ലുന്ന തരത്തിലുള്ള ചൂതാട്ടകേന്ദ്രമായി ചൈനയിലെ മക്കാവുവിനെ വികസിപ്പിച്ച ചൂതാട്ട രാജാവ് സ്റ്റാൻലി ഹോ(98) അന്തരിച്ചു.ഹോങ്കോംഗിലെ സാനറ്റോറിയത്തിലായിരുന്നു അന്ത്യം. അദ്ദേഹം കെട്ടിപ്പടുത്ത എസ്ജെഎം ഹോൾഡിംഗ് കന്പനിയുടെ ആസ്തി 600കോടി ഡോളറാണ്. മുൻ പോർട്ടുഗീസ് കോളനിയായ മക്കാവു 1999ൽ ചൈനയ്ക്കു ലഭിച്ചതിനെത്തുടർന്ന് ഹോവിന്റെ ചൂതാട്ട കുത്തക അവസാനിച്ചു. മറ്റ് അഞ്ച് കാസിനോ കന്പനികൾക്കുകൂടി ചൈനീസ് സർക്കാർ ലൈസൻസ് നൽകി.
ചൂതാട്ടത്തിലൂടെ കോടികൾ കൊയ്തെങ്കിലും ചൂതാട്ടത്തിൽനിന്ന് ഒഴിഞ്ഞുനിൽക്കാൻ ഹോ ബന്ധുക്കളെ ഉപദേശിക്കുമായിരുന്നു. ഹോങ്കോംഗ് സ്വദേശിയായ ഹോയ്ക്ക് നാലു ഭാര്യമാരിലായി 17 മക്കളാണുള്ളത്.
ചൂതുകളി രാജാവ് സ്റ്റാൻലി ഹോ അന്തരിച്ചു
11:56 PM May 26, 2020 | Deepika.com