കൊച്ചി: പൊതുമേഖലാ ബാങ്കായ കാനറ ബാങ്ക് അവതരിപ്പിച്ച പുതിയ സേവനങ്ങൾ ഉപഭോക്താക്കൾക്കു ലഭ്യമായിത്തുടങ്ങി. സിൻഡിക്കറ്റ് ബാങ്ക് കനറ ബാങ്കിൽ ലയിച്ചതിനു ശേഷം അവതരിപ്പിച്ച 12 ഇന്ററോപറബിൾ സേവനങ്ങളാണ് ലഭ്യമായിത്തുടങ്ങിയത്.
ഇരു ബാങ്കുകളിലും ഒരു പോലെ പ്രവർത്തനക്ഷമമായ ഇ-സേവനങ്ങൾ എല്ലാ ഉപഭോക്താക്കൾക്കും ലഭ്യമാണ്. കാഷ് ഡെപോസിറ്റ്, ഫണ്ട് ട്രാൻസ്ഫർ, പണം പിൻവലിക്കൽ തുടങ്ങിയ സേവനങ്ങൾ 10,391 ശാഖകളിലും ലഭ്യമാണ്. നിലവിലെ വായ്പാ സ്കീമുകൾക്കു പുറമെ ചെറുകിട ഇടത്തരം സംരംഭകർ, വ്യാപാരികൾ, പ്രഫഷണലുകൾ എന്നിവർക്കായി പരിഷ്കരിച്ച വായ്പാ പദ്ധതികളും ബാങ്ക് അവതരിപ്പിച്ചിട്ടുണ്ട്.
ഇന്ററോപറബിൾ സേവനവുമായി കാനറ ബാങ്ക്
11:10 PM Apr 04, 2020 | Deepika.com