ഒ​മാന്‍റെ മുഖം മാറ്റിയ പ്രതിഭ

മ​സ്ക​റ്റ്: വൈ​ദ്യു​തി​യും റേ​ഡി​യോ​യും കു​ട​യും​വ​രെ വി​ല​ക്കി​യി​രു​ന്ന ഒമാന്‍റെ മുഖംമാറ്റിയ പ്രതിഭയാണ് അന്തരിച്ച സു​ൽ​ത്താ​ൻ ഖാ​ബൂ​സ് ബി​ൻ സയി​ദ്. അന്ന് അ​ടി​മ​ത്തം ഒമാനിൽ നി​യ​മ​വി​ധേ​യ​മാ​യി​രു​ന്നു. രാ​ജ്യ​ത്ത് മൂ​ന്നു വി​ദ്യാ​ല​യ​ങ്ങ​ൾ മാ​ത്രം. സം​ഗീ​ത​വും പാ​ട്ടും നി​രോ​ധി​ച്ചി​രു​ന്നു. പൗ​ര​ന്മാ​ർ​ക്ക് വി​ദേ​ശ​യാ​ത്ര​യും പാ​ടി​ല്ലാ​യി​രു​ന്നു.

1970-ൽ ​ത​ന്‍റെ പി​താ​വ് സു​ൽ​ത്താ​ൻ സയി​ദ് ബി​ൻ തൈ​മൂ​റി​നെ കൊ​ട്ടാ​ര​വി​പ്ല​വ​ത്തി​ലൂ​ടെ പു​റ​ത്താ​ക്കി​യാ​ണു ഖാ​ബൂ​സ് ഭ​ര​ണം​ പി​ടി​ച്ച​ത്.

സ്കൂ​ളു​ക​ളും ആ​ശു​പ​ത്രി​ക​ളും സ്ഥാ​പി​ച്ചും റോ​ഡു​ക​ൾ നി​ർ​മി​ച്ചും ഖാ​ബൂ​സ് ഒ​മാ​നെ ആ​ധു​നി​ക​വ​ത്ക​രി​ച്ചു. അ​യ​ൽ​രാ​ജ്യ​ങ്ങ​ളെ അ​പേ​ക്ഷി​ച്ച് എ​ണ്ണനി​ക്ഷേ​പം കു​റ​വാ​ണെ​ങ്കി​ലും രാ​ജ്യ​ത്തെ ക​രു​ത്തു​ള്ള​താ​ക്കി. പി​ന്നീ​ട് ഒ​രു ലി​ഖി​ത ഭ​ര​ണ​ഘ​ട​ന​യും പ​രി​മി​ത അ​ധി​കാ​ര​ങ്ങ​ളു​ള്ള പാ​ർ​ല​മെ​ന്‍റും ഉ​ണ്ടാ​ക്കി. 46 ല​ക്ഷം ജ​ന​ങ്ങ​ളു​ണ്ട് ഒ​മാ​നി​ൽ. 70 ശ​ത​മാ​ന​വും ഇ​ബാ​ഹി മു​സ്‌​ലിം​ക​ളാ​ണ്. ഒ​മാ​നി​ൽ സ്ത്രീ​ക​ൾ​ക്കു വോ​ട്ട​വ​കാ​ശ​വും മ​ന്ത്രി​സ്ഥാ​ന​വും ന​ൽ​കി​യി​ട്ടു​ണ്ട്.

പ​ശ്ചി​മേ​ഷ്യ​യി​ൽ വി​രു​ദ്ധ വി​ഭാ​ഗ​ങ്ങ​ൾ​ക്കി​ട​യി​ൽ ഒ​രു പാ​ല​മാ​യി സു​ൽ​ത്താ​ൻ ഖാ​ബൂ​സ് വ​ർ​ത്തി​ച്ചു. ഇ​റാ​നും അ​മേ​രി​ക്ക​യു​മാ​യി ഇ​ദ്ദേ​ഹ​ത്തി​നു​ള്ള ബ​ന്ധ​മാ​ണ് ഇ​റാ​നും പാ​ശ്ചാ​ത്യ​രു​മാ​യി ആ​ണ​വ​ക​രാ​ർ ഒ​പ്പു​വ​യ്ക്കു​ന്ന​തി​നു വ​ഴി​തെ​ളി​ച്ച​ത്. ഇ​റാ​ൻ-​അ​മേ​രി​ക്ക ച​ർ​ച്ച​ക​ൾ പ​ല​തും ഒ​മാ​നി​ലാ​ണു ന​ട​ന്ന​ത്. ഇ​റാ​ൻ-​ഇ​റാ​ക്ക് യു​ദ്ധ​കാ​ല​ത്തും ഒ​മാ​ൻ മ​ധ്യ​സ്ഥ​ത വ​ഹി​ച്ചു.

ഇ​റാ​നി​ലോ യെ​മ​നി​ലോ ബ​ന്ദി​ക​ളാ​ക്ക​പ്പെ​ടു​ന്ന​വ​രെ മോ​ചി​പ്പി​ക്കാ​ൻ സു​ൽ​ത്താ​ൻ ഖാ​ബൂ​സി​നെ​യാ​ണ് എ​ല്ലാ​വ​രും ആ​ശ്ര​യി​ച്ചി​രു​ന്ന​ത്. യെ​മ​നി​ലെ ഹൗ​തി വി​മ​ത​രു​മാ​യും അ​ദ്ദേ​ഹം ന​ല്ല ബ​ന്ധം പു​ല​ർ​ത്തി.