പ്യോംഗ്യാംഗ്: അണ്വായുധവുമായി ബന്ധപ്പെട്ട മറ്റൊരു സുപ്രധാന പരീക്ഷണം കൂടി നടത്തിയെന്ന് ഉത്തരകൊറിയ അറിയിച്ചു. സൊഹായി ഉപഗ്രഹവിക്ഷേപണ കേന്ദ്രത്തിൽ വെള്ളിയാഴ്ച രാത്രി ആയിരുന്നു പരീക്ഷണം. കഴിഞ്ഞ ശനിയാഴ്ച ഇവിടെ മറ്റൊരു പരീക്ഷണം നടന്നിരുന്നു.
ആണവനിർവ്യാപനം സംബന്ധിച്ച് അമേരിക്കയുമായുള്ള ചർച്ചകൾ മുടങ്ങിയതിനു പിന്നാലെയാണ് ഉത്തരകൊറിയ ഒരാഴ്ചയ്ക്കിടെ രണ്ടു പരീക്ഷണങ്ങൾക്കു മുതിർന്നിരിക്കുന്നത്. ഇന്നലെ നടന്ന പരീക്ഷണത്തിന്റെ കൂടുതൽ വിശദാംശങ്ങൾ പുറത്തുവിട്ടിട്ടില്ല. ബാലിസ്റ്റിക് മിസൈലിന്റെ എൻജിൻ പരീക്ഷിച്ചതായിരിക്കാമെന്ന് കരുതുന്നു.
അമേരിക്കയ്ക്ക് ഒരു ക്രിസ്മസ് സമ്മാനം നല്കുമെന്ന് ഉത്തരകൊറിയ നേരത്തേ ഭീഷണി മുഴക്കിയിരുന്നു. ഇതിനുള്ള ഒരുക്കങ്ങളാണോ ഇപ്പോള് നടക്കുന്നതെന്ന് സംശയമുണ്ട്.
അണ്വായുധ പദ്ധതികൾ പൂർണമായി ഉപേക്ഷിക്കാതെ ഉത്തരകൊറിയയ്ക്കെതിരായ ഉപരോധങ്ങൾ നീക്കില്ലെന്നാണ് അമേരിക്കൻ പ്രസിഡന്റ് ട്രംപിന്റെ നിലപാട്.
വീണ്ടും സുപ്രധാന പരീക്ഷണം നടത്തിയെന്ന് ഉത്തരകൊറിയ
01:41 AM Dec 15, 2019 | Deepika.com