ലണ്ടൻ: ബോറീസ് ജോൺസൻ കരിയർ ആരംഭിച്ചത് മാധ്യമപ്രവർത്തകനായിട്ടാണ്. അന്നും യൂറോപ്യൻ വിരുദ്ധനായിരുന്നു. ഡെയ്ലി ടെലഗ്രാഫിന്റെ ബ്രസൽസ് (യൂറോപ്യൻ യൂണിയന്റെ ആസ്ഥാനം) കറസ്പോണ്ടന്റ് ആയിരിക്കേ അദ്ദേഹം എഴുതിയ ലേഖനങ്ങളിൽ ഇതു നിഴലിച്ചുകാണാം.
ബ്രിട്ടീഷ് ജനതയെ യൂറോപ്യൻ യൂണിയൻ ചൂഷണം ചെയ്യുന്നുവെന്നാണ് ജോൺസൻ ആരോപിക്കുന്നത്. ജോൺസന് പ്രധാനമന്ത്രിപദത്തിലേക്ക് വഴിയൊരുക്കിയതും ഈ നിലപാടു തന്നെ.
അപ്പർ മിഡിൽ ക്ലാസ് ബ്രിട്ടീഷ് ദന്പതികളുടെ മകനായി ന്യൂയോർക്കിൽ ജനിച്ച ജോൺസൻ 2016 വരെ തന്റെ യുഎസ് പൗരത്വം ഉപേക്ഷിച്ചിരുന്നില്ല. ഈറ്റണിലെ പ്രശസ്തമായ ഇംഗ്ലീഷ് സ്കൂളിലും ഓക്സ്ഫഡ് സർവകലാശാലയിലുമായിരുന്നു വിദ്യാഭ്യാസം. കൺസർവേറ്റീവ് പാർട്ടിയിൽനിന്ന് 2001ൽ ആദ്യമായി പാർലമെന്റ് അംഗമായി. 2008 മുതൽ 2016 വരെ രണ്ടു വട്ടം ലണ്ടൻ മേയർ പദവി വഹിച്ചു. 2012ലെ ലണ്ടൻ ഒളിന്പിക്സിന്റെ സാരഥിയായിരുന്നു.
സഹായിച്ചത് യൂറോപ്യൻ വിരുദ്ധത
11:53 PM Dec 13, 2019 | Deepika.com