ഗോ എയർ ശൈത്യകാല ഷെഡ്യൂൾ പ്രഖ്യാപിച്ചു
12:47 AM Oct 28, 2019 | Deepika.com
കൊച്ചി: ഗോ എയർ മാലിയിലേക്കുള്ള ശൈത്യകാല ഫ്ളൈറ്റ് ഷെഡ്യൂളുകൾ പ്രഖ്യാപിച്ചു. മുംബൈ, ന്യൂഡൽഹി, ബംഗളൂരു എന്നിവിടങ്ങളെ ബന്ധിപ്പിച്ചു നേരിട്ടുള്ള അഞ്ച് ഫ്ളൈറ്റുകൾ ആഴ്ചയിൽ സർവീസ് നടത്തും. ഡിസംബർ ഒന്നു മുതലാണു സർവീസുകൾ . ഡിസംബർ ഒന്നു മുതൽ 2020 ജനുവരി 31 വരെയുള്ള യാത്രകൾക്കായി ബുക്കിംഗ് ആരംഭിച്ചുകഴിഞ്ഞു. ശൈത്യകാല ഷെഡ്യൂളിൽ ഏറ്റവും കുറഞ്ഞ റിട്ടേണ് നിരക്കായ 9999 രൂപയാണ് ഗോ എയർ വാഗ്ദാനം ചെയ്യുന്നത്. വിമാന ടിക്കറ്റുകൾ www.goair.in എന്ന വെബ്സൈറ്റ് വഴിയോ ഗോ എയർ മൊബൈൽ ആപ്ലിക്കേഷൻ വഴിയോ ബുക്ക് ചെയ്യാം.