ലിഥിയം അയൺ ബാറ്ററിയുടെ കണ്ടുപിടിത്തത്തിനു നൊബേൽ

സ്റ്റോ​ക്ക്ഹോം: റീ​ചാ​ർ​ജ് ചെ​യ്യാ​വു​ന്ന ലോ​ക​വും വ​യ​ർ​ലെ​സ് സ​മൂ​ഹ​വും സാ​ധ്യ​മാ​ക്കി​യ ക​ണ്ടു​പി​ടിത്ത​ത്തി​നു നൊ​ബേ​ൽ പു​ര​സ്കാ​രം. ലി​ഥി​യം അ​യ​ൺ ബാ​റ്റ​റി​ക​ളു​ടെ ആ​വി​ഷ്കാ​രം സാ​ധ്യ​മാ​ക്കി​യ മൂ​ന്നു​പേ​ർ​ക്കാ​ണു ര​സ​ത​ന്ത്ര​ നൊ​ബേ​ൽ.

ജ​ർ​മ​നി​യി​ൽ ജ​നി​ച്ച് അ​മേ​രി​ക്ക​യി​ൽ ഗ​വേ​ഷ​ക​നാ​യ ജോ​ൺ ബി. ​ഗൂ​ഡെ​ന​ഫ് (97 വ​യ​സ്), ബ്രി​ട്ട​നി​ൽ ജ​നി​ച്ച സ്റ്റാ​ൻ​ലി വി​റ്റിം​ഗാം, ജ​പ്പാ​ൻ​കാ​ര​ൻ അ​കി​ര യോ​ഷി​നോ എ​ന്നി​വ​രാ​ണു പു​ര​സ്കാ​രം പ​ങ്കു​വ​ച്ച​ത്. 9.09 ല​ക്ഷം ഡോ​ള​ർ (6.45 കോ​ടി രൂ​പ) സ​മ്മാ​ന​ത്തു​ക മൂ​വ​ർ​ക്കും വീ​തി​ച്ചു ന​ല്കും.

മൊ​ബൈ​ൽ ഫോ​ൺ, ലാ​പ്ടോ​പ് തു​ട​ങ്ങി​യ ഇ​ല​ക്‌​ട്രോ​ണി​ക് ഉ​പ​ക​ര​ണ​ങ്ങ​ളി​ൽ മു​ത​ൽ ഇ​ല​ക്‌​ട്രി​ക് വാ​ഹ​ന​ങ്ങ​ളി​ൽ​വ​രെ ഉ​പ​യോ​ഗി​ക്കു​ന്ന​താ​ണു ലി​ഥി​യം അ​യ​ൺ ബാ​റ്റ​റി. പെ​ട്രോ​ളി​യ​മോ ക​ൽ​ക്ക​രി​യോ പോ​ലു​ള്ള ഫോ​സി​ൽ ഇ​ന്ധ​ന​ങ്ങ​ളി​ൽ​നി​ന്നു വി​മു​ക്ത​മാ​കാ​ൻ വ​ഴി​യൊ​രു​ക്കു​ന്ന​താ​ണ് ന​മ്മു​ടെ സ​മൂ​ഹ​ത്തി​ൽ വി​പ്ല​വ​ക​ര​മാ​യ മാ​റ്റം​വ​രു​ത്തി​യ ഈ ​ബാ​റ്റ​റി. സൗ​രോ​ർ​ജ​വും കാ​റ്റി​ൽ​നി​ന്നു​ള്ള ഊ​ർ​ജ​വും സൂ​ക്ഷി​ച്ചു​വ​യ്ക്കാ​നു​ള്ള വ​ഴി​തു​റ​ക്കു​ന്ന​താ​ണ് ഈ ​ക​ണ്ടു​പി​ടി​ത്തം.

1970 ക​ളി​ലെ എ​ണ്ണ​വി​ല​ക്ക​യ​റ്റ​ത്തെ തു​ട​ർ​ന്നു​ള്ള ഗ​വേ​ഷ​ണ​ങ്ങ​ളാ​ണ് ഇ​തി​ന്‍റെ ആ​വി​ഷ്കാ​ര​ത്തി​ലേ​ക്കു ന​യി​ച്ച​ത്. ഒ​രു ലി​ഥി​യം ബാ​റ്റ​റി​യു​ടെ കാ​ഥോ​ഡ് ആ​യി ടൈ​റ്റാ​നി​യം ഡൈ​സ​ൾ​ഫൈ​ഡി​ന്‍റെ ഉ​ള്ളി​ൽ ലി​ഥി​യം അ​യ​ൺ നി​റ​ച്ച് ഉ​പ​യോ​ഗി​ച്ച് സ്റ്റാ​ൻ​ലി വി​റ്റിം​ഗാ​മാ​ണ് തു​ട​ക്ക​മി​ട്ട​ത്. ആ​നോ​ഡ് ലി​ഥി​യം ലോ​ഹം ഉ​പ​യോ​ഗി​ച്ചു​ള്ള​താ​യി​രു​ന്നു. ലി​ഥി​യം ലോ​ഹം ഇ​ല​ക്‌​ട്രോ​ണു​ക​ളെ പു​റ​ന്ത​ള്ളും. ര​ണ്ടു വോ​ൾ​ട്ട് ശേ​ഷി ഉ​ള്ള​താ​യി​രു​ന്നു ആ​ദ്യം ത​യാ​റാ​ക്കി​യ ബാ​റ്റ​റി. ലി​ഥി​യം ലോ​ഹം മ​റ്റു വ​സ്തു​ക്ക​ളോ​ടു പ്ര​തി​പ്ര​വ​ർ​ത്ത​നം ന​ട​ത്തു​ന്ന​തി​നാ​ൽ പ്ര​ശ്ന​കാ​രി​യാ​യി​രു​ന്നു.

ജോ​ൺ ഗു​ഡെ​ന​ഫാ​ണ് കാ​ഥോ​ഡി​നു ലോ​ഹ​സ​ൾ​ഫൈ​ഡി​നു പ​ക​രം ഓ​ക്സൈ​ഡ് ഉ​പ​യോ​ഗി​ക്കാ​മെ​ന്ന ആ​ശ​യം വ​ച്ച​ത്. ലി​ഥി​യം അ​യ​ൺ നി​റ​ച്ച കോ​ബാ​ൾ​ട്ട് ഓ​ക്സൈ​ഡ് പ​റ്റി​യ വ​സ്തു​വാ​യി ക​ണ്ടു. നാ​ലു വോ​ൾ​ട്ട് വ​രെ ശേ​ഷി​യു​ള്ള ബാ​റ്റ​റി അ​തു​വ​ഴി 1980ൽ ​വി​ക​സി​പ്പി​ച്ചു. ഈ ​കാ​ഥോ​ഡ് ഉ​പ​യോ​ഗി​ച്ച് വാ​ണി​ജ്യാ​ടി​സ്ഥാ​ന​ത്തി​ലു​ള്ള ലി​ഥി​യം അ​യ​ൺ ബാ​റ്റ​റി 1985ൽ ​ത​യാ​റാ​ക്കി​യ​ത് അ​കി​ര യോ​ഷി​നോ​യാ​ണ്. ലി​ഥി​യം ലോ​ഹ​ത്തി​നു പ​ക​രം പെ​ട്രോ​ളി​യം കോ​ക്ക് ഉ​പ​യോ​ഗി​ച്ചു. ഇ​തോ​ടെ ഭാ​രം കു​റ​ഞ്ഞ​തും കൂ​ടു​ത​ൽ ആ​യു​സു​ള്ള​തു​മാ​യ ബാ​റ്റ​റി ത​യാ​റാ​യി. രാ​സ​പ്ര​ക്രി​യ ഇ​ല്ലാ​ത്ത​താ​ണു ലി​ഥി​യം അ​യ​ൺ ബാ​റ്റ​റി. ആ​നോ​ഡി​നും കാ​ഥോ​ഡി​നു​മി​ട​യി​ൽ ലി​ഥി​യം അ​യ​ൺ പ്ര​വ​ഹി​ച്ചാ​ണു ബാ​റ്റ​റി പ്ര​വ​ർ​ത്ത​നം.

ഗു​ഡെ​ന​ഫ് ഓ​സ്റ്റി​നി​ലെ യൂ​ണി​വേ​ഴ്സി​റ്റി ഓ​ഫ് ടെ​ക്സ​സി​ൽ എ​മ​രി​റ്റ​സ് പ്ര​ഫ​സ​റാ​ണ്. വി​റ്റിം​ഗാം ബിം​ഗാം​റ്റ​ൺ യൂ​ണി​വേ​ഴ്സി​റ്റി​യി​ലും സ്റ്റേ​റ്റ് യൂ​ണി​വേ​ഴ്സി​റ്റി ഓ​ഫ് ന്യൂ​യോ​ർ​ക്കി​ലും പ്ര​വ​ർ​ത്തി​ക്കു​ന്നു. യോ​ഷി​നോ അ​സാ​ഹി കാ​സൈ​കോ​ർ​പ​റേ​ഷ​നി​ലും ന​ഗോ​യ​യി​ലെ മെ​യ്ജോ യൂ​ണി​വേ​ഴ്സി​റ്റി​യി​ലും പ്ര​വ​ർ​ത്തി​ക്കു​ന്നു.

സാ​ഹി​ത്യ നൊ​ബേ​ൽ ഇ​ന്നു പ്ര​ഖ്യാ​പി​ക്കും. സ്വീ​ഡി​ഷ് അ​ക്കാ​ഡ​മി​യി​ലെ പ്ര​ശ്ന​ങ്ങ​ളെ തു​ട​ർ​ന്നു പ്ര​ഖ്യാ​പി​ക്കാ​തി​രു​ന്ന 2018-ലെ ​സാ​ഹി​ത്യ​നൊ​ബേ​ലും ഇ​ന്ന് അ​റി​യാം. നാ​ളെ​യാ​ണു സ​മാ​ധാ​ന നൊ​ബേ​ൽ പ്ര​ഖ്യാ​പ​നം.