കൊച്ചി: നിലവിലുള്ള ഇടപാടുകാർക്കു താങ്ങാനാവുന്നതും സന്തോഷകരവുമായ ഷോപ്പിംഗ് അനുഭവം ലഭ്യമാക്കുകയെന്ന ലക്ഷ്യത്തോടെ രാജ്യത്തെ ഏറ്റവും വലിയ ബാങ്കായ എസ്ബിഐ ’ഡെബിറ്റ് കാർഡ് ഇഎംഐ’ സൗകര്യമൊരുക്കി. ഇതനുസരിച്ചു ഗൃഹോപകരണങ്ങൾ വാങ്ങുന്നതിന്, ഇടപാടുകാർക്ക് അവരുടെ ഡെബിറ്റ് കാർഡ് ഉപയോഗിച്ച് ആറു മുതൽ 18 മാസംവരെയുള്ള ഇഎംഐ തെരഞ്ഞെടുക്കാം. രാജ്യത്തെ 1500ലധികം നഗരങ്ങളിലെ നാല്പതിനായിരത്തിലധികം വ്യാപാരസ്ഥാപനങ്ങളിലും നാലര ലക്ഷത്തിലധികമുള്ള പൈൻ ലാബുകൾ ബ്രാൻഡുചെയ്ത പിഒഎസ് മെഷീനുകളിലും ഈ സൗകര്യം ലഭ്യമാണ്.
പ്രോസസിംഗ് ഫീസില്ല. ഡോക്കുമെന്റേഷനും ശാഖാ സന്ദർശനവും ആവശ്യമില്ല. നിലവിലുള്ള എസ്ബി അക്കൗണ്ട് ബാലൻസ് കണക്കിലെടുക്കാതെതന്നെ തത്സമയം വായ്പ ലഭ്യമാകും. ഇടപാടു നടത്തി ഒരു മാസത്തിനുശേഷം ഗഡു അടയ്ക്കാൻ തുടങ്ങിയാൽ മതി. നല്ല ധനകാര്യ-വായ്പാ ചരിത്രവുമുള്ളവർക്ക് ഈ വായ്പ എടുക്കാം. വായ്പയ്ക്ക് അർഹത മനസിലാക്കാൻ ബാങ്കിലേക്ക് ഡിസിഇഎംഐ എന്നു ടൈപ്പ് ചെയ്ത് 567676 എന്ന നന്പറിലേക്ക് രജിസ്ട്രേഡ് മൊബൈൽ നന്പറിൽ എസ്എംഎസ് അയച്ചാൽ മതി.
ഡെബിറ്റ് കാർഡ് ഇഎംഐ സൗകര്യമൊരുക്കി എസ്ബിഐ
11:23 PM Oct 08, 2019 | Deepika.com