തിംഫു: ഇന്ത്യ-ഭൂട്ടാൻ ഉഭയകക്ഷി ബന്ധം മെച്ചപ്പെടുത്താൻ പ്രധാനമന്ത്രി നരേന്ദ്ര മോദി, ഭൂട്ടാൻ പ്രധാനമന്ത്രി ലോടെ ഷെറിംഗ് എന്നിവർ നടത്തിയ ചർച്ചയിൽ തീരുമാനമായി. പുതിയൊരു ഊർജവും വിശ്വാസവും ഇരുരാജ്യങ്ങൾ തമ്മിലുള്ള ബന്ധത്തിൽ ഉടലെടുത്തിരിക്കുന്നു. വിവിധ മേഖലകളിൽ പരസ്പര സഹകരണത്തോടെ പ്രവർത്തിക്കാനുള്ള തീരുമാനമുണ്ടായി: വിദേശകാര്യ വക്താവ് രവീശ് കുമാർ ട്വീറ്റ് ചെയ്തു.
രണ്ടു ദിവസത്തെ സന്ദർശനത്തിനായി ഭൂട്ടിനിലെത്തിയ മോദിയെ പാറോ വിമാനത്താവളത്തിൽ ചുവപ്പുപരവതാനി വിരിച്ച് സ്വീകരിച്ചു. ഭൂട്ടാൻ പ്രധാനമന്ത്രിയും മോദിയെ സ്വീകരിക്കാനെത്തിയിരുന്നു. തുടർന്ന് ടഷിച്ദോംഗ് കൊട്ടാരത്തിൽ മോദി ഗാർഡ് ഓഫ് ഓണർ പരിശോധിച്ചു.
ഉഭയകക്ഷിബന്ധം മെച്ചപ്പെടുത്താൻ ഇന്ത്യ-ഭൂട്ടാൻ ധാരണ
11:35 PM Aug 17, 2019 | Deepika.com