കൊച്ചി: കോയന്പത്തൂർ കേന്ദ്രീകരിച്ചു പ്രവർത്തിക്കുന്ന 4000 കോടി രൂപയുടെ വൈവിധ്യ ബിസിനസ് സാമ്രാജ്യമായ കെപിആർ ഗ്രൂപ്പിന്റെ 100 ശതമാനം ഓർഗാനിക് ഇന്നർവെയർ കേരളത്തിൽ അവതരിപ്പിച്ചു. സുസ്ഥിരമായ കോട്ടണ് ഇന്നർവെയറുകളുടെയും കായികാവശ്യങ്ങൾക്കുള്ള ഉത്പന്നങ്ങളുടെയും ശ്രേണിയാണ് ’ഫസോ’ എന്ന ബ്രാൻഡ് നാമത്തിൽ ഗ്രൂപ്പ് അവതരിപ്പിച്ചിരിക്കുന്നത്. കേരളത്തിലെ ഉപഭോക്താക്കൾക്കായി കംഫർട്ട്, സ്റ്റൈൽ, സുപ്രീം എന്നിങ്ങനെ മൂന്നു പ്രീമിയം റേഞ്ചുകളിലാണ് ഫസോ അവതരിപ്പിച്ചിരിക്കുന്നത്.
100 ശതമാനം സൂപ്പർഫൈൻ കോട്ടൻ ഉത്്പന്നങ്ങളായതിനാൽ ധരിക്കാൻ സുഖവും ചർമ സൗഹാർദവുമാണ്. ബ്രീഫ്, ട്രങ്ക്, ബോക്സർ ഷോർട്ട്സ്, വെസ്റ്റ്, ജിം വെസ്റ്റ്, മസിൽ ടീ എന്നിവയെല്ലാം ഉൾപ്പെട്ടതാണ് ശ്രേണി. ഓർഗാനിക് കോട്ടണ്, മൈക്രോ നൈലോണ്, ഇലാസ്റ്റിക് തുടങ്ങിയവയാൽ നിർമിക്കപ്പെട്ടതാണ് ഫസോ ഉൽപന്നങ്ങൾ. അത്യാധുനിക സാങ്കേതികവിദ്യയും സൗകര്യങ്ങളുമാണ് നിർമാണത്തിന് ഉപയോഗിക്കുന്നതെന്നു കെപിആർ ഗ്രൂപ്പ് പ്രമോട്ടറും എംഡിയുമായ പി. നടരാജൻ വ്യക്തമാക്കി.
ഓർഗാനിക് ഇന്നർവെയർ ഫസോയുമായി കെപിആർ ഗ്രൂപ്പ് കേരളത്തിലേക്ക്
11:39 PM Aug 07, 2019 | Deepika.com