ഹൗതി ആക്രമണം; സൗദിയിൽ ഇന്ത്യക്കാരനു പരിക്കേറ്റു
12:33 AM Jul 03, 2019 | Deepika.com
റിയാദ്: സൗദിയിലെ അബാ ഇന്റർനാഷണൽ എയർപോർട്ടിനു നേർക്ക് യെമനിലെ ഹൗതി ഷിയാ വിമതർ നടത്തിയ ഡ്രോൺ ആക്രമണത്തിൽ ഒന്പതുപേർക്കു പരിക്കേറ്റു. എട്ടു സൗദി സ്വദേശികൾക്കും ഒരു ഇന്ത്യക്കാരനുമാണു പരിക്കേറ്റതെന്ന് കേണൽ തുർക്കി അൽ മാലികി പ്രസ്താവനയിൽ അറിയിച്ചു. എയർപോർട്ടിന്റെ പ്രവർത്തനം തടസ്സപ്പെട്ടില്ലെന്ന് അധികൃതർ വ്യക്തമാക്കി. എയർപോർട്ടിലെ യുദ്ധവിമാനങ്ങളെ ലക്ഷ്യമിട്ടാണ് ആക്രമണം നടത്തിയതെന്ന് ഹൗതികളുടെ അൽ മസിറാ ടിവി പറഞ്ഞു.