ഒസാക്ക: റഷ്യൻ പ്രസിഡന്‍റ് വ്ലാദിമിർ പുടിൻ ജി20 ഉച്ചകോടിക്കു സ്വന്തം മഗ് കൊണ്ടുവന്നതു സോഷ്യൽ മീഡിയയിൽ ചർച്ചയായി. ഉച്ചകോടിയുടെ ഭാഗമായി നടന്ന ഡിന്നറിൽ പുടിൻ സ്വന്തം മഗ് ഉപയോഗിക്കുന്ന ചിത്രം പുറത്തുവന്നു. യുഎസ് പ്രസിഡന്‍റ് ഡോണൾഡ് ട്രംപ് അടക്കമുള്ള മറ്റു ലോകനേതാക്കൾ സാധാരണ വൈൻ ഗ്ലാസ് ഉപയോഗിക്കുന്പോഴാണ് പുടിൻ, ഒപ്പം കൊണ്ടുവന്ന മഗ്ഗിൽനിന്നു കുടിക്കുന്നത്.
ഇരുപതു വർഷമായി അധികാരത്തിൽ തുടരുന്ന പുടിനു മറ്റാരെയും വിശ്വാസമില്ലാത്തതുകൊണ്ടാണ് സ്വന്തം മഗ് ഉപയോഗിക്കേണ്ടിവരുന്നതെന്നു സോഷ്യൽ മീഡിയയിൽ പരിഹാസം ഉയർന്നു. അതേസമയം, ചൂട് നിലനിർത്തുന്ന ഈ മഗ്ഗാണു ചായ കുടിക്കാൻ പുടിൻ പതിവായി ഉപയോഗിക്കാറുള്ളതെന്ന് അദ്ദേഹത്തിന്‍റെ വക്താവ് ദിമിത്രി പെസ്കോവ് വിശദീകരിച്ചു.
സ്വന്തം മഗ്ഗുമായി പുടിൻ
11:46 PM Jun 29, 2019 | Deepika.com