ആക്രമണമേഖലയിൽനിന്നു കണ്ടെടുത്തതെന്നു പറഞ്ഞ് പൊട്ടാത്ത മൈനുകൾ യുഎസ് നേവി കഴിഞ്ഞ ദിവസം റിപ്പോർട്ടർമാരെ കാണിച്ചിരുന്നു. ഇറാനിലെ വിപ്ലവഗാർഡുകൾ എണ്ണടാങ്കറിൽനിന്ന് മൈനുകൾ നീക്കം ചെയ്യുന്നത് എന്നു വിശദീകരിച്ച് വീഡിയോകളും പുറത്തുവിട്ടിരുന്നു. അതേസമയം ആക്രമണത്തിൽ തങ്ങൾക്കു പങ്കില്ലെന്ന് ഇറാൻ ആവർത്തിക്കുന്നു.
ഇതിനിടെ, ഇന്നലെ തെക്കൻ ഇറാക്കിലെ ബസ്രയിലെ എണ്ണ ഖനന മേഖലയിലുണ്ടായ മിസൈൽ ആക്രമണത്തിൽ മൂന്നു തൊഴിലാളികൾക്കു പരിക്കേറ്റു. യുഎസിലെ എക്സോൺ മൊബീൽ കന്പനിയടക്കം ഇവിടെ ഖനനം നടത്തുന്നുണ്ട്.