കൊച്ചി: മുത്തൂറ്റ് ഗ്രൂപ്പിന്റെ കോർപറേറ്റ് സാമൂഹ്യ പ്രതിബദ്ധത വിഭാഗമായ മുത്തൂറ്റ് എം. ജോർജ് ഫൗണ്ടേഷൻ മുത്തൂറ്റ് സ്നേഹസഞ്ചാരിണി പദ്ധതിക്കു തുടക്കമായി. തൃപ്പൂണിത്തുറ മുത്തൂറ്റ് മാനേജ്മെന്റ് അക്കാഡമയിൽ നടന്ന ചടങ്ങിൽ 101 അംഗപരിമിതർക്ക് കൃത്രിമ കാലുകൾ വിതരണം ചെയ്തു. ഓർത്തഡോക്സ് സഭാധ്യക്ഷൻ ബസേലിയോസ് മാർത്തോമ്മ പൗലോസ് ദ്വിതീയൻ കാതോലിക്ക ബാവ പരിപാടി ഉദ്ഘാടനം ചെയ്തു.
മുത്തൂറ്റ് ഗ്രൂപ്പ് മാനേജിംഗ് ഡയറക്ടർ ജോർജ് അലക്സാണ്ടർ മുത്തൂറ്റ് അധ്യക്ഷത വഹിച്ച ചടങ്ങിൽ കൊച്ചിൻ വെസ്റ്റ് റോട്ടറി ക്ലബ് പ്രസിഡന്റ് അച്ചുതൻ മാത്തൂർ, റോട്ടറി ഡിസ്ട്രിക്ട് ഗവർണർ എ.വി.പതി, റോട്ടറി മിഡ് ടൗണ് പ്രസിഡന്റ് ഡോ. മുരളി, തേവര സേക്രഡ് ഹാർട്ട് കോളജ് പ്രിൻസിപ്പൽ ഫാ. പ്രശാന്ത് പാലയ്ക്കപ്പിള്ളി തുടങ്ങിയവർ പങ്കെടുത്തു.
മുത്തൂറ്റ് സ്നേഹസഞ്ചാരിണി പദ്ധതിക്കു തുടക്കമായി
12:49 AM Jun 18, 2019 | Deepika.com