ബാഗ്ദാദ്: അതീവസുരക്ഷാമേഖലയായ ബാഗ്ദാദിലെ ഗ്രീൻസോണിൽ ഇന്നലെ മുതൽ പൊതുജനങ്ങൾക്കു പ്രവേശനം അനുവദിച്ചു.
2003ൽ സദ്ദാം ഹുസൈന്റെ കാലത്ത് ഭരണസിരാകേന്ദ്രമായ ഇവിടം പിന്നീട് അമേരിക്കൻ അധിനിവേശത്തിൽ സുരക്ഷാമേഖലയായി പ്രഖ്യാപിച്ച് ജനങ്ങൾക്ക് പ്രവേശനം നിഷേധിക്കുകയായിരുന്നു.
കഴിഞ്ഞവർഷം പ്രധാനമന്ത്രി അബ്ദൽ മഹദി ഇവിടത്തെ ഏതാനും ചെക്കുപോസ്റ്റുകൾ നിർത്തലാക്കുകയും ചില റോഡുകൾ തുറന്നുകൊടുക്കുകയും ചെയ്തു. ടൈഗ്രീസ് നദിയുടെ പടിഞ്ഞാറേക്കരയിലുള്ള ഗ്രീൻസോണിന്റെ വിസ്തീർണം പത്തുചതുരശ്ര കിലോമീറ്ററാണ്. പ്രസിഡന്റിന്റെ കൊട്ടാരവും പാർലമെന്റും മന്ത്രാലയങ്ങളും മറ്റ് ആഡംബരവസതികളും സ്ഥിതിചെയ്തിരുന്ന ഇവിടം 2003നു മുന്പ് പാർലമെന്റ് ഡിസ്ട്രിക്ട് എന്നാണ് അറിയപ്പെട്ടിരുന്നത്.
ബാഗ്ദാദിലെ ഗ്രീൻസോൺ തുറന്നു
12:00 AM Jun 05, 2019 | Deepika.com