ചെന്നൈ: ചെറു വാണിജ്യവാഹന വിപണിയിൽ ടാറ്റാ മോട്ടോഴ്സ് പുതുതലമുറ കോംപാക്ട് ട്രക്ക് ടാറ്റാ ഇൻട്രാ പുറത്തിറക്കി. 2512എംഎം x 1602എംഎം ലോഡ് ബോഡി ലെംഗ്ത് ആണ് വാഹനത്തിനുള്ളത്. വി 10, വി 20 എന്നിങ്ങനെ രണ്ട് വേരിയന്റുകളിൽ ലഭ്യമാകുന്ന വാഹനത്തിന് 5.35 ലക്ഷം രൂപ മുതലാണ് വില.
ബിഎസ് 6 മാനദണ്ഡം പാലിക്കുന്ന എൻജിനാണ് വാഹനത്തിന്റെ കരുത്ത്. 70എച്ച് പി, 1400 സിസി ഡിഐ എൻജിനാണ് ഇൻട്രാ വി 20യിലുള്ളത്. 40എച്ച്പി, 800 സിസി ഡിഐ എൻജിൻ ഇൻട്രാ വി 10നു കരുത്തേകുന്നു. ഇന്ധന ക്ഷമത വർധിപ്പിക്കുന്നതിനായി ഗിയർ ഷിഫ്റ്റ് അഡ്വൈസർ വാഹനത്തിലുണ്ട്. 5 സ്പീഡ് ഗിയർ ബോക്സും നല്കിയിരിക്കുന്നു.
ബോൾട്ടബിൾ ഫുൾ ഫോർവേഡ് ബോഡി ഷെൽ കാബിനാണ് വാഹനത്തിനുള്ളത്. എമർജൻസി ലോക്കിംഗ് റീട്രാക്ടർ ഉള്ള സീറ്റ് ബെൽറ്റ്, മൊബൈൽ ചാർജിംഗ് പോയിന്റ്, ഇലക്ട്രോണിക് ഇൻസ്ട്രുമെന്റ് ക്ലസ്റ്റർ, വലിയ ഹെഡ്ലാംബ്, വലിയ വിൻഡ് സ്ക്രീൻ, ലോക്ക് ചെയ്യാൻ സാധിക്കുന്ന ഗ്ലൗവ് ബോക്സ്, ഡാഷ് ബോർഡ്, സൗകര്യപ്രദമായ ഡ്രൈവിംഗിനു സഹായിക്കുന്ന ഹെഡ് റസ്റ്റ്, മ്യൂസിക് സിസ്റ്റം, എസി എന്നിവയാണ് വാഹനത്തിലുള്ള മറ്റു സൗകര്യങ്ങൾ.
ടാറ്റയുടെ ആദ്യത്തെ കോംപാക്ട് ട്രക്ക് ഇൻട്രാ വിപണിയിൽ
12:07 AM Jun 01, 2019 | Deepika.com