കൊച്ചി: എയർ കണ്ടീഷനിംഗ്, റഫ്രിജറേഷൻ രംഗത്തെ മുൻനിര കന്പനിയായ ബ്ലൂ സ്റ്റാർ പ്ലാറ്റിനം ജൂബിലിയോടനുബന്ധിച്ച് 75 പുതിയ എയർ കണ്ടീഷണർ മോഡലുകൾ വിപണിയിലിറക്കി. റേറ്റിംഗ് പരിധിക്കപ്പുറം 30 ശതമാനം വരെ കൂടുതൽ തണുപ്പ് തരുന്നതും വൈദ്യുതി ലാഭിക്കുന്നതുമായ ഇൻവർട്ടർ എസി വരെ പുതിയ മോഡലുകളിലുണ്ട്.
46 കിലോ ഭാരമുള്ള 1.5 ടണ് ഫൈവ് സ്റ്റാർ ഹെവി ഡ്യൂട്ടി ഇൻവർട്ടർ എസിയിലൂടെ വേനൽ ക്കാലത്തും വലിയ മുറിയെപ്പോലും എളുപ്പത്തിൽ തണുപ്പിക്കാൻ സാധിക്കുമെന്നും വൈദ്യുതി ഉപയോഗത്തിൽ കുറവു വരുന്നതിലൂടെ വൈദ്യുതി ബില്ലിലും ലാഭിക്കാൻ സാധിക്കുമെന്നും കന്പനി അധികൃതർ പറയുന്നു. 33,790 രൂപ മുതലാണ് ഇൻവർട്ടർ ഏസികളുടെ വില. ഉപഭോക്താക്കൾക്ക് 0% പലിശയിൽ തവണ വ്യവസ്ഥയിലും ഇവ വാങ്ങാം. പ്രധാന ബാങ്കുകളും ധനകാര്യ സ്ഥാപനങ്ങളുമായി ചേർന്നുള്ള കാഷ് ബാക്ക് ഓഫറുകളും ലഭ്യമാണ്.
മൊബൈൽ ആപ് വഴി പ്രവർത്തിപ്പിക്കാൻ കഴിയുന്ന വൈഫൈ സാങ്കേതിക വിദ്യയുള്ള ബ്ലൂ സ്റ്റാർ ഇൻവെർട്ടർ എസി വിദൂര സ്ഥലങ്ങളിൽ നിന്നുപോലും നിയന്ത്രിക്കാൻ കഴിയും. ക്രോസ് ഡ്രിഫ്റ്റ് സാങ്കേതിക വിദ്യ ഉപയോഗിച്ചുള്ള പുതിയ കൂളറുകൾ ’വിൻഡസ്’ എന്ന സബ് ബ്രാൻഡിൽ പുറത്തിറക്കിയിട്ടുണ്ട്. വില 8990 മുതൽ 13,490 രൂപ വരെയാണ്. സെൻസ് എയർ സാങ്കേതികവിദ്യ ഉൾപ്പെടുത്തിയ എയർ പ്യൂരിഫയറുകളും കന്പനി പുറത്തിറക്കിയിട്ടുണ്ട്. വില 8990 മുതൽ 23,990 രൂപ വരെ.
കുറഞ്ഞ വൈദ്യുതി ഉപയോഗിച്ച് അധികം തണുപ്പ് തരുന്ന എല്ലാ വിലനിലവാരത്തിലുമുള്ള ഉത്പന്നം ഉപഭോക്താക്കളിലെത്തിക്കാൻ ബ്ലൂ സ്റ്റാർ എന്നും പ്രതിജ്ഞാബദ്ധമാണെന്ന് ബ്ലൂ സ്റ്റാർ ലിമിറ്റഡ്, സെയിൽസ് ആൻഡ് മാർക്കറ്റിംഗ് (പ്രൊഡക്ട് ബിസിനസ്) വിഭാഗം പ്രസിഡന്റ് സി.പി. മുകുന്ദൻ മേനോൻ പറഞ്ഞു.
75 പുതിയ എയർ കണ്ടീഷണർ മോഡലുകളുമായി ബ്ലൂ സ്റ്റാർ
12:26 AM Mar 21, 2019 | Deepika.com