ന്യൂഡൽഹി: രാജ്യത്ത് ടെലികോം ട്രയൽ നടത്താൻ ധനസഹായം ആവശ്യപ്പെട്ട് ടെലികോം കന്പനികൾ. കേന്ദ്ര ടെലികോം മന്ത്രാലയത്തിനയച്ച കത്തിലൂടെയാണ് സെല്ലുലാർ അസോസിയേഷൻ ഓഫ് ഇന്ത്യ(കോയ്) സാന്പത്തിക സഹായം ആവശ്യപ്പെട്ടത്.
സാന്പത്തിക സഹായത്തിനു പുറമേ ട്രയലിന് ആവശ്യമായ സംവിധാനങ്ങൾ സൗജന്യമായി ലഭ്യമാക്കണമെന്നും ആവശ്യപ്പെട്ടിട്ടുണ്ട്.വോഡഫോണ് ഐഡിയ, ഭാരതി എയർടെൽ, റിലയൻസ് ജിയോ എന്നിവയും ഉപകരണ നിർമാതാക്കളായ സിസ്കോ, സിയന, വാവേ, എറിക്സണ്, സ്റ്റെർലൈറ്റ് തുടങ്ങിയ കന്പനികളുമാണ് കോയിയിലെ അംഗങ്ങൾ. 2020 ആകുന്പോഴേക്കും രാജ്യത്ത് 5ജി സേവനം ആരംഭിക്കാനാണ് ടെലികോം മന്ത്രാലയം പദ്ധതിയിടുന്നത്.
5ജി ട്രയലിനു സാന്പത്തികസഹായം വേണമെന്ന് ടെലികോം കമ്പനികൾ
12:40 AM Feb 19, 2019 | Deepika.com