വാഷിംഗ്ടൺ ഡിസി: 2020ലെ പ്രസിഡന്റ് തെരഞ്ഞെടുപ്പിൽ ഡോണൾഡ് ട്രംപിനെ നേരിടാൻ ആഗ്രഹിക്കുന്നതായി യുഎസ് ജനപ്രതിനിധിസഭാംഗവും പ്രതിപക്ഷ ഡെമോക്രാറ്റ് നേതാവുമായ തുൾസി ഗബ്ബാർഡ്. വരുന്ന ദിവസങ്ങളിൽ ഇതു സംബന്ധിച്ച പ്രഖ്യാപനമുണ്ടാകുമെന്നു സിഎൻഎൻ ചാനൽ പരിപാടിയിൽ അവർ പറഞ്ഞു.
മുപ്പത്തേഴുകാരിയായ തുൾസി യുഎസ് കോൺഗ്രസിലെത്തുന്ന ആദ്യ ഹിന്ദു വനിതയാണ്. പക്ഷേ, ഇന്ത്യൻ വംശജയല്ല. ഹവായി സംസ്ഥാനത്തുനിന്നാണ് രണ്ടാം വട്ടവും തെരഞ്ഞെടുക്കപ്പെട്ടത്.
ഡെമോക്രാറ്റ് പാർട്ടിയിലെ സെനറ്റർ എലിസബത്ത് വാറൻ ട്രംപിനെതിരേ മത്സരിക്കാനുള്ള ആഗ്രഹം മുന്പു വ്യക്തമാക്കിയിരുന്നു. ഇന്ത്യൻ വംശജ കമല ഹാരിസ് അടക്കം പന്ത്രണ്ടിലധികം ഡെമോക്രാറ്റ് നേതാക്കൾ തെരഞ്ഞെടുപ്പിൽ മത്സരിക്കാൻ ആഗ്രഹിക്കുന്നതായി സൂചനയുണ്ട്.
ട്രംപിനെതിരേ മത്സരിക്കുമെന്നു തുൾസി ഗബ്ബാർഡ്
12:41 AM Jan 13, 2019 | Deepika.com