ഇനി ഫാക്സ് മെഷീൻ വാങ്ങരുതെന്ന് ബ്രിട്ടീഷ് ആരോഗ്യവകുപ്പ്
12:54 AM Dec 10, 2018 | Deepika.com
ലണ്ടൻ: ആരോഗ്യവകുപ്പിൽ ഫാക്സ് മെഷീനുകൾ വാങ്ങുന്നതു വിലക്കിക്കൊണ്ട് ആരോഗ്യ സെക്രട്ടറി മാറ്റ് ഹാൻകോക് ഉത്തരവു പുറപ്പെടുവിച്ചു. ടെക്നോളജിയിൽ കുതിച്ചു ചാട്ടമുണ്ടായിട്ടും ആരോഗ്യവകുപ്പിൽ ഇപ്പോഴും 8000ത്തിലധികം ഫാക്സ് യന്ത്രങ്ങൾ ഉപയോഗത്തിലുണ്ടെന്നു റോയൽ കോളജ് ഓഫ് സർജൻസ് ചൂണ്ടിക്കാട്ടി. നിലവിലുള്ള ഫാക്സിനു പകരം സെക്യൂർ ഇ-മെയിൽ പോലുള്ള സംവിധാനങ്ങൾ ഉടൻ പ്രാബല്യത്തിൽ വരുത്തണം. 2020 മാർച്ച് 31ന് ഫാക്സ് മെഷീനുകളുടെ ഉപയോഗം പൂർണമായി നിർത്തണമെന്നും ഉത്ത രവിൽ നിർദേശിച്ചു.