അബുദാബി: കറൻസി കൈമാറ്റ കരാർ ഉൾപ്പെടെ രണ്ടു കരാറുകളിൽ ഇന്ത്യയും യുഎഇയും ഒപ്പുവച്ചു. വിദേശകാര്യമന്ത്രി സുഷമ സ്വരാജും യുഎഇ വിദേശകാര്യ മന്ത്രി അബ്ദുള്ള ബിൻ സയീദ് അൽ നഹ്യാനുമാണ് പ്രതിരോധം, ഊർജം, വ്യാപാരം, ബഹിരാകാശം, സുരക്ഷ, നിക്ഷേപം എന്നീ മേഖലകളിൽ ഒരുമിച്ചു പ്രവർത്തിക്കാനുള്ള സഹകരണകരാറിൽ ഒപ്പുവച്ചത്.
രണ്ടുദിവസത്തെ സന്ദർശനത്തിനു തിങ്കളാഴ്ചയാണ് സുഷമ യുഎഇയിലെത്തിയത്. യുഎഇ-ഇന്ത്യ ജോയിന്റ് കമ്മീഷൻ യോഗത്തിനു മുന്നോടിയായാണു കൂടിക്കാഴ്ച നടത്തിയത്. കറൻസി കൈമാറ്റ കരാർ പ്രകാരം രാജ്യത്തിന്റെ സ്വന്തം കറൻസി ഉപയോഗിച്ച് വ്യാപാരം നടത്താനുള്ള അധികാരമുണ്ടാവും. യുഎസ് ഡോളർ മാനദണ്ഡമാക്കാതെ മുൻ നിശ്ചയിച്ച പണകൈമാറ്റ നിരക്കിൽ കയറ്റിറക്കുമതി വ്യാപാരവും നടത്താനാകും.ആഫ്രിക്കയിൽ വികസനപ്രവർത്തനങ്ങൾ നടത്തുന്ന കരാറാണു രണ്ടാമത്തേത്.
ഇന്ത്യയും യുഎഇയും കറൻസി കൈമാറ്റ കരാറിൽ ഒപ്പുവച്ചു
12:31 AM Dec 05, 2018 | Deepika.com