ഇസ്‌ലാമാബാദ്: അഫ്ഗാൻ സമാധാന പ്രക്രിയ മുന്നോട്ടു കൊണ്ടുപോകുന്നതിനും താലിബാനെ ചർച്ചാമേശയിലേക്കു കൊണ്ടുവരുന്നതിനും പാക്കിസ്ഥാന്‍റെ സഹായം ആവശ്യപ്പെട്ട് യുഎസ് പ്രസിഡന്‍റ് ഡോണൾഡ് ട്രംപ് പാക് പ്രധാനമന്ത്രി ഇമ്രാൻ ഖാന് കത്തയച്ചു.
അഫ്ഗാൻ യുദ്ധം മൂലം യുഎസിനും പാക്കിസ്ഥാനും ഏറെ ബുദ്ധിമുട്ട് ഉണ്ടായെന്നു ട്രംപ് ചൂണ്ടിക്കാട്ടി. അഫ്ഗാൻ പ്രശ്നത്തിനു രാഷ്‌ട്രീയ പരിഹാരം കണ്ടെത്താൻ മാർഗം തേടണമെന്ന യുഎസ് നിർദേശം സ്വാഗതാർഹമാണെന്നു പാക് വിദേശകാര്യ ഓഫീസ് പ്രതികരിച്ചു. ഭീകരർക്ക് താവളം അനുവദിക്കുകയാണെന്നും ഭീകരവിരുദ്ധ യുദ്ധത്തിൽ സഹകരിക്കുന്നില്ലെന്നും ആരോപിച്ച് പാക്കിസ്ഥാനുള്ള സാന്പത്തിക സഹായം യുഎസ് ഈയിടെ മരവിപ്പിച്ചിരുന്നു.
അഫ്ഗാൻ സമാധാനം: പാക് സഹായം തേടി ഇമ്രാനു ട്രംപിന്‍റെ കത്ത്
12:53 AM Dec 04, 2018 | Deepika.com