ബെയ്ജിംഗ്: ലോകത്തിലെ ഏറ്റവും നീളമുള്ള കടൽപ്പാലം ചൈനീസ് പ്രസിഡന്‍റ് ഷി ചിൻപിംഗ് ഇന്നലെ ഉദ്ഘാടനം ചെയ്തു. 55 കിലോമീറ്റർ നീളമുള്ള പാലം ചൈനയിലെ ഴുഹായി നഗരത്തെ, സ്വയംഭരണ പ്രവിശ്യകളായ ഹോങ്കോങ്ങുമായും മക്കാവുവുമായും ബന്ധിപ്പിക്കുന്നു. പൊതു ജനത്തിന് ഇന്നുമുതലേ പ്രവേശനമുള്ളൂ.
ഒന്പതു വർഷമെടുത്തു നിർമിച്ച പാലത്തിന് 2000 കോടി ഡോളർ ചെലവായി. നാലു ലക്ഷം ടൺ സ്റ്റീൽ ഉപയോഗിച്ചു. പാലംതുറന്നതോടെ നഗരങ്ങൾക്കിടയിലെ യാത്രാദൈർഘ്യം മൂന്നു മണിക്കൂറിൽനിന്ന് മുപ്പതു മിനിട്ടായി ചുരുങ്ങി.
ഏറ്റവും വലിയ പാലം ഉദ്ഘാടനം ചെയ്തു
12:55 AM Oct 24, 2018 | Deepika.com