ബെയ്ജിംഗ്/സീയൂൾ: ചൈനയിലെ മൊബൈൽ ഫോൺ നിർമാണ പ്ലാന്റ് അടച്ചുപൂട്ടാൻ സാംസംഗ് ഇലക്ട്രോണിക്സ് ആലോചിക്കുന്നു. മൊബൈലുകളുടെ വില്പന കുറഞ്ഞതും തൊഴിലാളികളുടെ വേതനം കൂടിയതുമാണ് പ്ലാന്റ് പൂട്ടാൻ കമ്പനിയെ പ്രേരിപ്പിക്കുന്നത്. വടക്കൻചൈനയിലെ നഗരമായ ടിയാൻജിനിലുള്ള നിർമാണ യൂണിറ്റിലെ പ്രവർത്തനങ്ങളാണ് അവസാനിപ്പിക്കുക.
സമീപകാലത്തെ ആഗോള സ്മാർട്ട്ഫോൺ വിപണിയിക്കുണ്ടായ തളർച്ചയും സാംസംഗിനെ പ്രതികൂലമായി ബാധിച്ചിട്ടുണ്ട്.
അഞ്ചു വർഷം മുന്പുവരെ ചൈനീസ് സ്മാർട്ട്ഫോൺ മാർക്കറ്റിന്റെ 20 ശതമാനം വിപണി വിഹിതം സാംസംഗിനായിരുന്നു. എന്നാൽ, ഈ വർഷം അത് ഒരു ശതമാനത്തിലേക്കു താഴ്ന്നു. ഹുവായ്, ഷവോമി തുടങ്ങിയ ചൈനീസ് ബ്രാൻഡ് വിപണി കീഴടക്കുകയായിരുന്നു.
ചൈനയിലെ സ്മാർട്ട്ഫോൺ നിർമാണ യൂണിറ്റ് അടച്ചുപൂട്ടുമെന്ന് സാംസംഗ്
12:41 AM Aug 14, 2018 | Deepika.com