കൊച്ചി: പ്രമുഖ അമ്യൂസ്മെന്റ് പാർക്കായ കൊച്ചി വണ്ടർലാ സന്ദർശകർക്കായി ഒരുക്കിയിരിക്കുന്ന റംസാൻ ആഘോഷങ്ങൾ നാളെ തുടങ്ങും. പാർക്കിലെ വൈവിധ്യമാർന്ന 56 റൈഡുകൾക്കൊപ്പം റംസാൻ ആഘോഷങ്ങളുടെ ഭാഗമായി ദിവസേന വൈകുന്നേരം ആറു മുതൽ ഏഴര വരെ നീണ്ടുനിൽക്കുന്ന ലൈവ് സ്റ്റേജ് ഷോയാണ് ഇത്തവണത്തെ പ്രധാന ആകർഷണം. റംസാൻ വിഭവങ്ങളുടെ ഭക്ഷ്യമേളയും പ്രത്യേക പ്രാർഥനാസൗകര്യവും ഒരുക്കിയിട്ടുണ്ട്.
മൊബൈൽ ജോക്കികളുടെ ചോദ്യങ്ങൾക്കും കടങ്കഥകൾക്കും ശരിയുത്തരം നല്കുന്നവർക്കു സമ്മാനങ്ങൾ ലഭിക്കും. റിവേഴ്സ് ലൂപീംഗ് റോളർ കോസ്റ്റർ റൈഡായ റീക്കോയിലും റംസാന്റെ ആകർഷണമാകും.
ഓണ്ലൈൻ ടിക്കറ്റുകൾ 10 ദിവസം മുൻകൂട്ടി ബുക്ക് ചെയ്യുന്നവർക്കു പ്രവേശനനിരക്കിൽ 10 ശതമാനം കിഴിവും ഐഡി കാർഡുമായി വരുന്ന 22 വയസിൽ താഴെയുള്ള കോളജ് വിദ്യാർഥികൾക്ക് ടിക്കറ്റ് നിരക്കിൽ 20 ശതമാനം വരെ ഇളവും ലഭിക്കും.
ഈ മാസം 18 വരെയാണു റംസാൻ ആഘോഷം. www.won derla.com വഴി ബുക്കിംഗ് നടത്താം. ഫോൺ: 7593853107, 0484 2684009.
റംസാൻ ആഘോഷങ്ങളുമായി വണ്ടർലാ
11:38 PM Jun 13, 2018 | Deepika.com