ഷിക്കാഗോ: മുൻ യുഎസ് പ്രസിഡന്‍റ് ബറാക് ഒബാമയും ഭാര്യ മിഷേലും ചേർന്ന് വീഡിയോ പ്രൊഡക്‌ഷൻ കന്പനി ആരംഭിക്കുന്നു. വിനോദവ്യവസായ മേഖലയിലെ പ്രമുഖ സ്ഥാപനമായ നെറ്റ്ഫ്ലിക്സുമായി ചേർന്നാണു സംരംഭം.
ഹയർ ഗ്രൗണ്ട് പ്രൊഡക്‌ഷൻസ് എന്ന ബാനറിൽ ഡോക്യുമെന്‍ററികളും ഫീച്ചർ ഫിലിമുകളും നിർമിക്കാനാണ് ഒബാമയും മിഷേലും പദ്ധതിയിടുന്നത്. കഴിവുള്ളവർക്ക് അവസരങ്ങൾ നല്കാൻ തങ്ങളുടെ സംരംഭത്തിനു കഴിയുമെന്ന് ഒബാമ പറഞ്ഞു. ലോകത്തേക്കുറിച്ചു പ്രചോദനാത്മകമായ വ്യത്യസ്ത കാഴ്ചപ്പാടുകൾ നല്കാനാണ് തങ്ങൾ ഉദ്ദേശിക്കുന്നതെന്ന് മിഷേൽ പറഞ്ഞു.
മിഷേലും ഒബാമയും ഫിലിം നിർമാണരംഗത്തേക്ക്
01:05 AM May 24, 2018 | Deepika.com