ഇസ്‌ലാമാബാദ്: ഗർഭിണിയായ പാക് ഗായികയെ വേദിയിൽ വെടിവച്ചുകൊന്നു. സമീന സമൂൺ എന്ന ഇരുപത്തിനാലുകാരിയാണ് ലാർകാന ജില്ലയിൽ കൊല്ലപ്പെട്ടത്. മദ്യപിച്ചു ലക്കുകെട്ട താരിഖ് അഹമ്മദ് ജാട്ടോയ് എന്നയാളാണ് വെടിയുതിർത്തത്.
നൃത്തം ചെയ്തു പാടണമെന്ന ഇയാളുടെ ആവശ്യം ഗായിക നിരാകരിച്ചതാണ് ആക്രമണത്തിനു പ്രേരിപ്പിച്ചത്. സമീനയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സമീന ആറു മാസം ഗർഭിണിയായിരുന്നുവെന്ന് ഭർത്താവ് പറഞ്ഞു. അക്രമിയെ പോലീസ് അറസ്റ്റ് ചെയ്തു.
ഗർഭിണിയായ പാക് ഗായികയെ വെടിവച്ചുകൊന്നു
12:50 AM Apr 13, 2018 | Deepika.com