ന്യൂഡൽഹി: റോയൽ എൻഫീൽഡിന്റെ തണ്ടർബേർഡ് എക്സ് ഇന്നു വിപണിയിലെത്തും. തണ്ടർബേർഡ് 350, തണ്ടർബേർഡ് 500 മോഡലുകളുടെ സ്പോർട്ടി വേർഷനാണ് തണ്ടർബേർഡ് എക്സ്. ഇതാദ്യമായി റോയൽ എൻഫീൽഡ് കടും നിറങ്ങൾ മോട്ടോർ സൈക്കിളുകൾക്കു നല്കുന്നതെന്ന പ്രത്യേകത തണ്ടർബേർഡ് എക്സിനുണ്ട്. 350 സിസി, 500 സിസി മോഡലുകളെക്കൂടാതെ ഇവയുടെ സ്റ്റാർഡാർഡ് മോഡലും ലഭ്യമാണ്. പഴയ തണ്ടർബേർഡ് മോട്ടോർസൈക്കിളുകളെ അപേക്ഷിച്ച് പുതിയ ഹാൻഡിൽബാർ, ബ്ലാക്ക് അലോയ് വീലുകൾ, ട്യൂബ്ലെസ് ടയറുകൾ, സിംഗിൾ പീസ് സീറ്റ് എന്നിവ പുതുതായി ഉൾപ്പെടുത്തിയിരിക്കുന്നു. രൂപത്തിലും മാറ്റമുണ്ട്.
തണ്ടർബേർഡ് 350എക്സ്
346 സിസി സിംഗിൾ സിലിണ്ടർ എൻജിൻ. പവർ: 20.7 എച്ച്പി. ടോർക്ക്: 20 എൻഎം. ഗിയർബോക്സ്: 5 സ്പീഡ്. വില: 1.56 ലക്ഷം രൂപ (എക്സ് ഷോറൂം).
തണ്ടർബേർഡ് 500 എക്സ്
499 സിസി എയർകൂൾഡ് സിംഗിൾ സിലിണ്ടർ എൻജിൻ. പവർ: 26.8 എച്ച്പി. ടോർക്ക്: 41.3 എൻഎം. ഗിയർബോക്സ്: 5 സ്പീഡ്. വില: 1.98 ലക്ഷം രൂപ (എക്സ് ഷോറൂം).
റോയൽ എൻഫീൽഡ് തണ്ടർബേർഡ് എക്സ് ഇന്ന് വിപണിയിലെത്തും
11:41 PM Feb 27, 2018 | Deepika.com