ലണ്ടൻ: ഇംഗ്ലണ്ടിലെ ലിസ്റ്റർ നഗരത്തിൽ അതിശക്തമായ സ്ഫോടനത്തിൽ മൂന്നുനില കെട്ടിടം തകർന്ന് അഞ്ചു പേർ മരിച്ചു. മറ്റ് അഞ്ചുപേരെ പരിക്കുകളോടെ ആശുപത്രിയിലാക്കി. സ്ഫോടനത്തിന് തീവ്രവാദബന്ധമില്ലെന്നാണ് പ്രാഥമിക നിഗമനമെന്ന് പോലീസ് അറിയിച്ചു.
ഗുജറാത്തി വംശജർ ധാരാളം താമസിക്കുന്ന സ്ഥലമാണിത്. ഹിംഗ്‌ലി റോഡിൽ സ്ഥിതി ചെയ്യുന്ന കെട്ടിടം സ്ഫോടനത്തിൽ തകർന്നതിനു പിന്നാലെ അഗ്നിക്കിരയായി.
താഴത്തെ നിലയിൽ സൂപ്പർമാർക്കറ്റും മുകളിൽ ഫ്ലാറ്റുകളുമാണ് ഉണ്ടായിരുന്നത്.
അഗ്നിശമനസേന നടത്തിയ പരിശോധനയിലാണ് മൃതദേഹങ്ങൾ കണ്ടെത്തിയത്. പരിക്കേറ്റവരിൽ ഒരാളുടെ നില ഗുരുതരമാണ്. മരണസംഖ്യ ഉയർന്നേക്കുമെന്ന് പോലീസ് സൂചിപ്പിച്ചു.
സ്ഫോടനത്തിന്‍റെ കാരണം വ്യക്തമല്ല. ഭൂമികുലുക്കത്തിനു സമാനമായിരുന്നുവെന്ന് പരിസരവാസികൾ പറഞ്ഞു. കാതടപ്പിക്കുന്ന ശബ്ദത്തിൽ കാറുകളുടെ ചില്ലുകൾ തകർന്നു.
ഇംഗ്ലണ്ടിൽ സ്ഫോടനത്തിൽ കെട്ടിടം തകർന്ന് അഞ്ചു മരണം
12:58 AM Feb 27, 2018 | Deepika.com