ന്യൂഡൽഹി: ആഡംബര വാഹനവിപണിയിൽ കരുത്തുതെളിയിച്ച ഇറ്റാലിയൻ വാഹന നിർമാതാക്കളായ ലംബോർഗിനി സ്മാർട്ട് ഫോണ് നിർമാണ രംഗത്തും സജീവമാകുന്നു. ’ ആൽഫ വണ് ’എന്നു പേരിട്ടിരിക്കുന്ന സ്മാർട് ഫോണാണ് കന്പനി കഴിഞ്ഞ ദിവസം അവതരിപ്പിച്ചത്.
ഇറ്റാലിയൻ ലെതറിന്റെ പുറംചട്ടയുള്ള ഫോണിന് 1.54 ലക്ഷം രൂപയാണു വില.
ഡോൾബി അറ്റ്മോസ് ഡ്യുവൽ സ്പീക്കർ, 3ഡി അക്കൗസ്റ്റിക് സിസ്റ്റം, ഫിങ്കർപ്രിന്റ് സെൻസർ തുടങ്ങിയവയാണു ഫോണിന്റെ പ്രധാന സവിശേഷതകൾ. മറ്റു ഫീച്ചറുകൾ: 20 എംപി റിയർകാമറ, എട്ട് എംപി ഫ്രണ്ട് കാമറ, ക്വാൽകോം സ്നാപ്പ് ഡ്രാഗണ് 820 പ്രോസസർ, 4 ജിബി റാം, 5.5 ഡിസ്പ്ലേ. ഇംഗ്ലണ്ട്, യുഎഇ തുടങ്ങിയ രാജ്യങ്ങളിൽ ഫോണ് വിൽപ്പനയ്ക്കെത്തിയിട്ടുണ്ടെന്നാണു വിവരം. എന്നാൽ, ഇന്ത്യയിലെ ആഡംബര സ്മാര്ട്ട് ഫോണ്പ്രേമികൾ ആൽഫ വണ്ണിനായി അൽപംകൂടി കാത്തിരിക്കേണ്ടിവരും.
"റ്റോനിനോ ലംബോർഗിനി’ എന്ന പേരിൽ നേരത്തേയും കന്പനി സ്മാർട് ഫോണ് പുറത്തിറക്കിയിരുന്നു. 8 എംപി ഫ്രണ്ട് കാമറയുമായി പുറത്തിറങ്ങിയ ഈ ഫോണിന് നാലു ലക്ഷം രൂപയായിരുന്നു വില.
ആഡംബര സ്മാർട്ട് ഫോണുമായി വീണ്ടും ലംബോർഗിനി
01:46 AM Aug 24, 2017 | Deepika.com