ബെയ്ജിംഗ്: ലഡാക്കിൽ പാംഗോംഗ് തടാകത്തിനു സമീപം ഓഗസ്റ്റ് 15ന് ഇന്ത്യയുടെയും ചൈനയുടെയും സൈനികർ പരസ്പരം കല്ലെറിഞ്ഞതിനു പിന്നിൽ ഇന്ത്യൻ സൈനികരുടെ പ്രകോപനപരമായ നടപടിയാണെന്നു ചൈന. നിയന്ത്രണരേഖയിൽ പട്രോളിംഗ് നടത്തുകയായിരുന്ന സൈനികർക്കുനേരേ ബിഎസ്എഫ് ജവാന്മാർ പ്രകോപനമില്ലാതെ കല്ലെറിയുകയായിരുന്നുവെന്നും നിരവധി സൈനികർക്കു പരിക്കേറ്റെന്നും ചൈനീസ് വിദേശകാര്യവക്താവ് ഹുവ ചുനിയിംഗ് പറഞ്ഞു.
നിയന്ത്രണരേഖക്കിപ്പുറത്തേക്കു ചൈനീസ് സൈനികർ കടന്നുകയറാൻ ശ്രമിച്ചതു ബിഎസ്എഫ് ജവാന്മാർ പരാജയപ്പെടുത്തുകയായിരുന്നു. ഇരുരാജ്യങ്ങളിലെയും സൈനിക കമൻഡാന്റുമാർ ഈ വിഷയം ചർച്ച ചെയ്തു പരിഹരിച്ചതാണെന്ന് ഇന്ത്യ പ്രതികരിച്ചു.
സിക്കിമിനു സമീപത്തെ ഡോകാ ലായിൽ മൂന്നുമാസമായി ഇന്ത്യയുടെയും ചൈനയുടെയും സൈനികർ മുഖാമുഖം നില്ക്കുകയാണ്.
പാംഗോഗ് തടാകത്തിനു മുന്നിലെ സംഘർഷം: ഇന്ത്യയെ കുറ്റപ്പെടുത്തി ചൈന
12:26 AM Aug 22, 2017 | Deepika.com