വത്തിക്കാൻ സിറ്റി: ഇറ്റാലിയൻ കർദിനാൾ അറ്റീലിയോ നികോറ (80) അന്തരിച്ചു. നിയമബിരുദമെടുത്ത ശേഷം സെമിനാരിയിൽ ചേർന്നു വൈദികനായ ഇദ്ദേഹം കാനൻ നിയമത്തിൽ വിശേഷപഠനം നടത്തി. 1977-ൽ മെത്രാനായി. 2003-ൽ കർദിനാൾ സംഘത്തിലേക്ക് ഉയർത്തപ്പെട്ടു. വത്തിക്കാൻ സ്വത്തുവകകൾ കൈകാര്യം ചെയ്യുന്ന ചുമതല ദീർഘകാലം വഹിച്ചു.
ഇറ്റലിയും വത്തിക്കാനുമായി 1929-ൽ ഉണ്ടാക്കിയ കരാർ (കോൺകോർദാത്) 1984-ൽ പുതുക്കുന്നതിൽ നിർണായകപങ്ക് വഹിച്ചു. ബനഡിക്ട് മാർപാപ്പയുടെ കാലത്ത് വത്തിക്കാൻ ധനകാര്യനിയന്ത്രണത്തിന് രൂപപ്പെടുത്തിയ നാലംഗ ഫിനാൻഷ്യൽ ഇൻഫർമേഷൻ അഥോറിറ്റിയിൽ അംഗമായിരുന്നു.
ഇദ്ദേഹത്തിന്റെ നിര്യാണത്തോടെ കർദിനാൾ സംഘത്തിലെ അംഗസംഖ്യ 222 ആയി. അതിൽ 117 പേർ മാർപാപ്പ തെരഞ്ഞെടുപ്പിൽ വോട്ടവകാശമുള്ളവരാണ്.
കർദിനാൾ നികോറ അ്തരിച്ചു
12:23 AM Apr 26, 2017 | Deepika.com