തൃശൂർ: ഡീസലിന്റെ വില ലിറ്ററിന് 1.30 രൂപ ശനിയാഴ്ച അർധരാത്രിയോടെ വർധിപ്പിച്ച സാഹചര്യത്തിൽ ബസ് ചാർജ് വർധിപ്പിക്കണമെന്നു തൃശൂർ ജില്ലാ പ്രൈവറ്റ് ബസ് ഓപ്പറേറ്റേഴ്സ് അസോസിയേഷൻ ആവശ്യപ്പെട്ടു.
വിദ്യാർഥികളുടെ യാത്രാനിരക്കും വർധിപ്പിക്കണം. ഇല്ലെങ്കിൽ സർവീസ് നിർത്തിവയ്ക്കുന്നതടക്കമുള്ള പ്രത്യക്ഷ സമര പരിപാടികൾക്കു നേതൃത്വം നല്കുമെന്ന് അസോസിയേഷൻ പ്രസിഡന്റ് എം.എസ്. പ്രേംകുമാറും ജനറൽ സെക്രട്ടറി ആന്റോ ഫ്രാൻസിസും പ്രസ്താവനയിൽ പറഞ്ഞു.
ചാർജ് കൂട്ടണമെന്ന് ബസുടമകൾ
01:20 AM Apr 18, 2017 | Deepika.com