വാളകത്ത് സൂപ്പർ ഫാസ്റ്റും ബൈക്കും കൂട്ടിയിടിച്ച് ഒരാൾ മരിച്ചു
12:23 AM Apr 06, 2017 | Deepika.com
കൊട്ടാരക്കര: എംസി റോഡിൽ വാളകത്ത് കഐസ്ആർടിസി സൂപ്പർ ഫാസ്റ്റും ബൈക്കും കൂട്ടിയിടിച്ച് ഒരാൾ മരിച്ചു, മറ്റൊരാൾക്ക് ഗുരുതര പരിക്ക്. ചൊവ്വാഴ്ച രാത്രി 11.20ന് ആണ് സംഭവം. കുന്നിക്കോട് ജോ നിവാസിൽ രാജന്റെ മകൻ മനോജ്(32) ആണ് മരിച്ചത്. ഒപ്പമുണ്ടായിരുന്ന സുഹൃത്ത് അരുണിനെ ഗുരുതര പരിക്കുകളോടെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. തൃശൂരിൽ നിന്നും തിരുവനന്തപുരത്തേക്ക് പോവുകയായിരുന്നു ബസ്. വാളകം പെട്രോൾ പന്പിനു സമീപമാണ് അപകടമുണ്ടായത്. സംഭവ സ്ഥലത്തുതന്നെ മനോജ് മരിച്ചു. കൊട്ടാരക്കര പോലീസ് കേസെടുത്തു.