ദണ്ഡിയാത്രയ്ക്ക് ഇന്ന് 90 വയസ്

ഇ​ന്ത്യ​ന്‍ സ്വാ​ത​ന്ത്ര്യ​സ​മ​ര ച​രി​ത്ര​ത്തി​ലെ ജ്വ​ലി​ക്കു​ന്ന ഏ​ടു​ക​ളി​ൽ ഒ​ന്നാ​യ ദ​ണ്ഡി​യാ​ത്ര​യ്ക്ക് ഇ​ന്ന് 90 വ​ര്‍ഷം പൂ​ര്‍ത്തി​യാ​കു​ന്നു. 1930ലെ ​സി​വി​ൽ നി​യ​മ​ലം​ഘ​ന പ്ര​സ്ഥാ​ന​ത്തി​ന്‍റെ ഭാ​ഗ​മാ​യി ഗാ​ന്ധി​ജി ന​ട​ത്തി​യ സ​മ​ര​മാ​യി​രു​ന്നു ച​രി​ത്ര​ത്തി​ൽ അ​വി​സ്മ​ര​ണീ​യ സം​ഭ​വ​ങ്ങ​ളി​ൽ ഒ​ന്നാ​യി രേ​ഖ​പ്പെ​ടു​ത്തി​യ ദ​ണ്ഡി കാ​ൽ​ന​ട യാ​ത്ര​യും തു​ട​ർ​ന്നു ന​ട​ന്ന ഉ​പ്പു സ​ത്യ​ഗ്ര​ഹ​വും. 90 വ​ർ​ഷം മു​മ്പ്, 1930 മാ​ർ​ച്ച് 12നാ​ണ് ഗു​ജ​റാ​ത്തി​ലെ സ​ബ​ർ​മ​തി ആ​ശ്ര​മ​​ത്തി​ൽനി​ന്നു ദ​ണ്ഡി ​ക​ട​പ്പു​റ​ത്തേ​ക്കു ഗാ​ന്ധി​ജി ഉ​പ്പു സ​ത്യ​ഗ്ര​ഹ യാ​ത്ര ആ​രം​ഭി​ച്ച​ത്.

1882 ലെ ​ഉ​പ്പു നി​യ​മ പ്ര​കാ​രം ബ്രി​ട്ടീ​ഷ് ഇ​ന്ത്യ​യി​ൽ ഉ​പ്പ​ിന്‍റെ കു​ത്ത​കാ​വ​കാ​ശം ഗ​വ​ണ്മെ​ന്‍റ് ഏ​റ്റെ​ടു​ത്തി​രു​ന്നു. ബ്രി​ട്ടീ​ഷു​കാ​രു​ടെ ക​യ​റ്റു​മ​തി വ്യാ​പാ​ര​ത്തെ പ്രോ​ത്സാ​ഹി​പ്പി​ക്കാ​നു​ള്ള ഈ ​നി​യ​മം ഇ​ന്ത്യ​ക്കാ​രെ വ​ള​രെ അ​ധി​കം പ്ര​തി​കൂ​ല​മാ​യി ബാ​ധി​ച്ചു. ഉ​പ്പ് ഉ​ത്പാ​ദ​ന​വു​മാ​യി ബ​ന്ധ​പ്പെ​ട്ട ജീ​വി​ത​വൃ​ത്തി​യി​ൽ ഏ​ർ​പ്പെ​ട്ടി​രു​ന്ന ഗു​ജ​റാ​ത്തി​ലെ തീ​ര​ദേ​ശ ഗ്രാ​മ​ങ്ങ​ളി​ലെ പ​തി​നാ​യി​ര​ക്ക​ണ​ക്കി​ന് സാ​ധാ​ര​ണ​ക്കാ​ർ ഈ ​നി​യ​മം മൂ​ലം കൊ​ടി​യ ദു​രി​തം ഏ​റ്റു​വാ​ങ്ങി​യ സാ​ഹ​ച​ര്യ​ത്തി​ലാ​ണ് നി​യ​മ​ലം​ഘ​ന സ​മ​ര​ത്തി​ന്‍റെ ഭാ​ഗ​മാ​യി ഗാ​ന്ധി​ജി​യു​ടെ നേ​തൃ​ത്വ​ത്തി​ൽ ഉ​പ്പു സ​ത്യ​ഗ്ര​ഹം ആ​രം​ഭി​ച്ച​ത്.

ദ​ണ്ഡി മാ​ർ​ച്ചി​നു പു​റ​പ്പെ​ടും​മു​മ്പ് സ​ബ​ർ​മ​തി ആ​ശ്ര​മ​ത്തി​ൽവ​ച്ച് ഗാ​ന്ധി​ജി ഇ​ങ്ങ​നെ പ്ര​ഖ്യാ​പി​ച്ചു: ഒ​ന്നു​കി​ൽ ല​ക്ഷ്യം നേ​ടി ഞാ​ൻ മ​ട​ങ്ങി​വ​രും, പ​രാ​ജ​യ​പ്പെ​ട്ടാ​ൽ എ​ന്‍റെ ജ​ഡം സ​മു​ദ്ര​ത്തി​നു സം​ഭാ​വ​ന ന​ൽ​കും. ഉ​പ്പുസ​ത്യ​ഗ്ര​ഹം എ​ന്ന സ​മ​ര​രീ​തി ഗാ​ന്ധി​ജി ആ​ദ്യം അ​വ​ത​രി​പ്പി​ച്ച​പ്പോ​ൾ കോ​ൺ​ഗ്ര​സ് പ്ര​വ​ർ​ത്ത​ക സ​മി​തി​യി​ൽ ഇ​തി​നു വ​ലി​യ സ്വീ​കാ​ര്യ​ത ല​ഭി​ച്ചി​രു​ന്നി​ല്ല. ജ​വ​ഹ​ർ​ലാ​ൽ നെ​ഹ്റു, സ​ർ​ദാ​ർ വ​ല്ല​ഭ​്ഭാ​യ് പ​ട്ടേ​ൽ തു​ട​ങ്ങി​യ മു​തി​ർ​ന്ന നേ​താ​ക്ക​ൾ സ​മ​ര​ത്തി​ന്‍റെ വി​ജ​യ​ത്തെ​ക്കു​റി​ച്ച് സം​ശ​യാ​ലു​ക്ക​ളാ​യി​രു​ന്നു. ഉ​പ്പുനി​കു​തി​വി​ഷ​യ​ത്തേ​ക്കാ​ൾ ന​ല്ല​ത് ഭൂ​നി​കു​തി ബ​ഹി​ഷ്ക​ര​ണം ആ​യി​രി​ക്കു​മെ​ന്നാ​ണ് വ​ല്ല​ഭ​്ഭാ​യ് പ​ട്ടേ​ൽ അ​ഭി​പ്രാ​യ​പ്പെ​ട്ട​ത്.

എ​ന്നാ​ൽ, ഗാ​ന്ധി​ജി മാ​ത്രം ഉ​പ്പു സ​ത്യ​ഗ്ര​ഹം എ​ന്ന പു​തി​യ സ​മ​ര​മാ​ർ​ഗ​ത്തി​ൽ തി​ക​ച്ചും ആ​ത്മ​വി​ശ്വാ​സ​മു​ള്ള ആ​ളാ​യി​രു​ന്നു. സാ​ധാ​ര​ണ​ക്കാ​രന്‍റെ പ്ര​ശ്ന​ത്തെ ഏ​റ്റെ​ടു​ക്കു​ക​വ​ഴി, അ​വ​രെ​യും സ്വാ​ത​ന്ത്ര്യ​സ​മ​ര​ത്തി​ന്‍റെ പാ​ത​യി​ലേ​ക്ക് ആ​ക​ർ​ഷി​ക്കാ​ൻ ക​ഴി​യു​മെ​ന്ന് അ​ദ്ദേ​ഹം ഉ​റ​ച്ചു​വി​ശ്വ​സി​ച്ചു. ഇ​പ്പോ​ൾ ഉ​പ്പി​നാ​ണ് അ​വ​ർ നി​കു​തി ഏ​ർ​പ്പെ​ടു​ത്തി​യി​രി​ക്കു​ന്ന​ത്, നാ​ളെ അ​ത് വാ​യു​വിനും ആ​കാ​ശ​ത്തി​നു​മാ​യേ​ക്കാം, അ​തു​കൊ​ണ്ടുത​ന്നെ ഇ​താ​യി​രി​ക്ക​ണം സ​മ​ര​ത്തി​ന്‍റെ കേ​ന്ദ്ര​ബി​ന്ദു എ​ന്ന് ഗാ​ന്ധി​ജി അ​സ​ന്ദി​ഗ്ധ​മാ​യി പ്ര​ഖ്യാ​പി​ച്ചു.

കാ​ൽ​ന​ട​യാ​യി 390 കി​ലോ​മീ​റ്റ​ർ

24 ദി​വ​സം കൊ​ണ്ട് 390 കി​ലോ​മീ​റ്റ​ർ കാ​ൽ​ന​ട​യാ​യി ന​ട​ന്ന് 1930 ഏ​പ്രി​ൽ ആ​റി​നാ​ണ് ഗാ​ന്ധി​ജി​യും കൂ​ട്ട​രും ദ​ണ്ഡി ക​ട​പ്പു​റ​ത്ത് എ​ത്തി​ച്ചേ​ർ​ന്ന​ത്. ജാ​ഥ ദ​ണ്ഡി ക​ട​പ്പു​റ​ത്തെ​ത്തി​ച്ചേ​ർ​ന്ന​തി​നു​ശേ​ഷം ഗാ​ന്ധി​ജി​യും സ​മ​ര​ഭ​ട​ന്മാ​രും ക​ട​ലി​ല്‍ ഇ​റ​ങ്ങി കു​ളി​ച്ച് ക​ട​ല്‍ത്തീ​ര​ത്ത് മ​ണ​ല്‍ത്തി​ട്ട കെ​ട്ടി അ​തി​ല്‍ ഉ​പ്പ് കു​റു​ക്കി​യെ​ടു​ത്തു. ഇ​തു​കൊ​ണ്ട് ബ്രി​ട്ടീ​ഷ് സാ​മ്രാ​ജ്യ​ത്തി​ന്‍റെ അ​ടി​ത്ത​റ താ​ൻ കു​ലു​ക്കു​മെ​ന്ന് ഒ​രു കൈ​നി​റ​യെ ചെ​ളി ക​ല​ർ​ന്ന മ​ണ്ണ് കൈ​യി​ലെ​ടു​ത്തു​കൊ​ണ്ട് ഗാ​ന്ധി​ജി പ്ര​ഖ്യാ​പി​ച്ചു. ജ​ന​ല​ക്ഷ​ങ്ങ​ൾ ഗാ​ന്ധി​ജി​യു​ടെ പ്ര​ഖ്യാ​പ​നം ഏ​റ്റെ​ടു​ത്തു. ഈ ​സ​മ​ര​ത്തി​ലൂ​ടെ ഗാ​ന്ധി​ജി​യും അ​നു​യാ​യി​ക​ളും വെ​ല്ലു​വി​ളി​ച്ച​ത് സൂ​ര്യ​ന​സ്ത​മി​ക്കാ​ത്ത ബ്രി​ട്ടീ​ഷ് സാ​മ്രാ​ജ്യ​ത്തെ​യാ​ണ്.

ദ​ണ്ഡി മാ​ർ​ച്ചി​നെ​ക്കു​റി​ച്ച് അ​ന്ന​ത്തെ പ്ര​മു​ഖ വ്യ​ക്തി​ക​ൾ ന​ട​ത്തി​യ പ്ര​തി​ക​ര​ണ​ങ്ങ​ളി​ലൂ​ടെ ഒ​ന്നു ക​ണ്ണോ​ടി​ക്കു​ന്ന​തു പ്ര​സ​ക്ത​മാ​ണെ​ന്നു തോ​ന്നു​ന്നു. ​വൈ​സ്രോ​യി ആ​യി​രു​ന്ന ഇ​ർ​വി​ൻ പ്ര​ഭു അ​ഭി​പ്രാ​യ​പ്പെ​ട്ട​തു ചാ​യ​ക്കോ​പ്പ​യി​ലെ കൊ​ടു​ങ്കാ​റ്റ് എ​ന്നാ​ണ്. എ​ൽ​ബ​യി​ൽ നി​ന്നു പാ​രീ​സി​ലേ​ക്കു​ള്ള നെ​പ്പോ​ളി​യ​ന്‍റെ മ​ട​ക്കം​പോ​ലെ ഗം​ഭീ​ര​മാ​ണ് ദ​ണ്ഡി യാ​ത്ര എ​ന്ന് സു​ഭാ​ഷ് ച​ന്ദ്ര​ബോ​സ് അ​ഭി​പ്രാ​യ​പ്പെ​ട്ടു. ല​ങ്ക​യി​ലേ​ക്കു​ള്ള ശ്രീ​രാ​മ​ന്‍റെ യാ​ത്ര​ക്കു സ​മാ​ന​മാ​ണ് ദ​ണ്ഡി മാ​ർ​ച്ച് എ​ന്ന് മോ​ത്തി​ലാ​ൽ നെ​ഹ്റു വി​ശേ​ഷ​ണം ന​ൽ​കി.

ദ​ണ്ഡി മാ​ർ​ച്ചി​നു​ശേ​ഷം ​സൂ​റ​ത്ത്​ ജി​ല്ല​യി​ലെ ​ദ​ർ​സ​ന​യി​ലു​ള്ള ഉ​പ്പ് സം​ഭ​ര​ണ​ശാ​ല സ​മാ​ധാ​ന​പ​ര​മാ​യി ഉ​പ​രോ​ധി​ക്കു​ന്ന​തി​നി​ട​യി​ൽ ഗാ​ന്ധി​ജി അ​റ​സ്റ്റ് ചെ​യ്യ​പ്പെ​ട്ടു. അ​റ​സ്റ്റി​നു​ശേ​ഷം രാ​ജ്യ​മെ​മ്പാ​ടും ഉ​പ്പ് സ​ത്യ​ഗ്ര​ഹം കാ​ട്ടു​തീ പോ​ലെ ക​ത്തി​പ്പ​ട​ർ​ന്നു. ത​മി​ഴ്നാ​ട്ടി​ലെ ​വേ​ദാ​ര​ണ്യ​​ത്തു സി. ​രാ​ജ​ഗോ​പാ​ലാ​ചാ​രി, വ​ട​ക്കു പ​ടി​ഞ്ഞാ​റ് അ​തി​ർ​ത്തി പ്ര​വി​ശ്യ​യി​ൽ അ​തി​ർ​ത്തി ഗാ​ന്ധി ഖാ​ൻ അ​ബ്ദു​ൾ ഗാ​ഫ​ർ ഖാ​ൻ, വടക്കുകി​ഴ​ക്ക​ൻ സം​സ്ഥാ​ന​ങ്ങ​ളി​ൽ റാ​ണി ഗെ​യ്ഡി​ൻ​ലി​യു എ​ന്നി​വ​ർ നി​യ​മ ലം​ഘ​ന സ​മ​ര​ത്തി​നു നേ​തൃ​ത്വം ന​ല്കി. ഏ​താ​ണ്ട് ഒ​രു വ​ർ​ഷം നീ​ണ്ടു​നി​ന്ന ഉ​പ്പു സ​ത്യ​ഗ്ര​ഹ​സ​മ​രം 1931 മാ​ർ​ച്ച് അ​ഞ്ചി​ന് ​ഗാ​ന്ധി- ഇ​ർ​വി​ൻ സ​ന്ധി​യി​ലൂ​ടെ അ​വ​സാ​നി​ക്കു​ക​യും നി​യ​മ​ലം​ഘ​ന സ​മ​രം കോ​ൺ​ഗ്ര​സ് പി​ൻ​വ​ലി​ക്കു​ക​യും ചെ​യ്തു. ഉ​പ്പ് സ​ത്യ​ഗ്ര​ഹ​വു​മാ​യി ബ​ന്ധ​പ്പെ​ട്ട് ഏ​ക​ദേ​ശം 80,000 സ്വാ​ത​ന്ത്ര്യ​സ​മ​ര സേ​നാ​നി​ക​ൾ ത​ട​വി​ലാ​ക്ക​പ്പെ​ട്ടു.

കേ​ര​ള​ത്തി​നും ആ​വേ​ശ​ക​ര​മാ​യി

ഉ​പ്പു സ​ത്യ​ഗ്ര​ഹ സ​മ​ര​ത്തി​ൽ പ​ങ്കു​ചേ​ർ​ന്ന​തി​ന്‍റെ ആ​വേ​ശ​ക​ര​മാ​യ ച​രി​ത്രം കേ​ര​ള​ത്തി​നും പ​റ​യാ​നു​ണ്ട്.

ദ​ണ്ഡി യാ​ത്ര​യി​ൽ ഉ​ട​നീ​ളം ഗാ​ന്ധി​ജി​യെ അ​നു​ഗ​മി​ച്ച 78 സ​ന്ന​ദ്ധ​ഭ​ട​ന്മാ​രി​ൽ മ​ല​യാ​ളി​ക​ളാ​യ സി. ​കൃ​ഷ്ണ​ൻ നാ​യ​ർ, ടൈ​റ്റ​സ്ജി, രാ​ഘ​വ പൊ​തു​വാ​ൾ, ശ​ങ്ക​ർ​ജി, ശ​ങ്ക​ര​ൻ നാ​യ​ർ എ​ന്നി​വ​ർ ഉ​ണ്ടാ​യി​രു​ന്നു. കൂ​ടാ​തെ പ​യ്യ​ന്നൂ​രി​ൽ കെ. ​കേ​ള​പ്പ​ൻ, ബേ​പ്പൂ​രി​ൽ മു​ഹ​മ്മ​ദ് അ​ബ്ദു​ൾ റ​ഹ്മാ​ൻ, കോ​ഴി​ക്കോ​ട്ട് മൊ​യ്തു മൗ​ല​വി എ​ന്നി​വ​രു​ടെ നേ​തൃ​ത്വ​ത്തി​ൽ ഉ​ജ്വ​ല​മാ​യ സ​മ​ര​മു​ന്നേ​റ്റ​ങ്ങ​ൾ ന​ട​ന്നു.

ഏ​പ്രി​ല്‍ 13ന് ​ഒ​യ്യാ​ര​ത്ത് ശ​ങ്ക​ര​ന്‍ ന​മ്പ്യാ​രു​ടെ​യും സി.​എ​ച്ച്. ഗോ​വി​ന്ദ​ന്‍ ന​മ്പ്യാ​രു​ടെ​യും നേ​തൃ​ത്വ​ത്തി​ൽ കോ​ഴി​ക്കോ​ട്ടു​നി​ന്നു പു​റ​പ്പെ​ട്ട ജാ​ഥ​യാ​ണ് ഏ​പ്രി​ല്‍ 22ന് ​പ​യ്യ​ന്നൂ​രി​ലെ​ത്തി 23 ന് ​രാ​വി​ലെ കെ. ​കേ​ള​പ്പ​ന്‍റെ നേ​തൃ​ത്വ​ത്തി​ല്‍ പ​യ്യ​ന്നൂ​ര്‍ ക​ട​ലി​ല്‍ നി​ന്നു വെ​ള്ള​മെ​ടു​ത്തു കു​റു​ക്കി ഉ​പ്പു​ണ്ടാ​ക്കു​ക​യും പ​യ്യ​ന്നൂ​ര്‍ അ​ങ്ങാ​ടി​യി​ല്‍ വി​ല്‍ക്കു​ക​യും ചെ​യ്ത​ത്. ഗാ​ന്ധി​ജി​യെ അ​റ​സ്റ്റ് ചെ​യ്ത വാ​ര്‍ത്ത പ​ര​ന്ന​തോ​ടെ മ​ല​ബാ​റി​ലെ​ങ്ങും ഉ​പ്പു സ​ത്യ​ഗ്ര​ഹം സ​ജീ​വ​മാ​യി.

സ്വാ​ത​ന്ത്ര്യ സ​മ​ര​ത്തി​ലെ ഈ ​മ​ഹ​ത്താ​യ ഏ​ടു​ക​ൾ ഒ​രു ഓ​ർ​മ​പ്പെ​ടു​ത്ത​ൽ കൂ​ടി​യാ​ണ്. ഒ​രു വ​ലി​യ സാ​മ്രാ​ജ്യ​ത്വ​ത്തി​നെ​തി​രേ ന​മ്മ​ൾ ന​ട​ത്തി​യ സ​ഹ​ന​സ​മ​ര​ത്തി​ന്‍റെ ഓ​ർ​മ​പ്പെ​ടു​ത്ത​ൽ. ഈ ​ഓ​ർ​മ​ക​ൾ ഇ​ല്ലാ​താ​കു​ന്ന​തും തു​ട​ച്ചു​നീ​ക്ക​പ്പെ​ടു​ന്ന​തും അ​ട്ടി​മ​റി​ക്ക​പ്പെ​ടു​ന്ന​തു​മാ​ണ് വ​ർ​ത്ത​മാ​ന​കാ​ല ഇ​ന്ത്യ നേ​രി​ടു​ന്ന ഏ​റ്റ​വും വ​ലി​യ വെ​ല്ലു​വി​ളി.


പ്ര​ഫ. റോ​ണി കെ. ​ബേ​ബി