കത്തോലിക്കാ പൗരോഹിത്യം: ഒരു വിശദീകരണക്കുറിപ്പ്

ഫാ.​ ഡോ.​ ജെ​യിം​സ് പാ​ന്പാ​റ സി​എം​ഐ

ക​ത്തോ​ലി​ക്കാ സ​ഭ​യി​ലെ പൗ​രോ​ഹി​ത്യം ക​ത്തോ​ലി​ക്കാ​ സ​ഭ​യു​ടെ കാ​ന​ൻ നി​യ​മ​മ​നു​സ​രി​ച്ചു മാ​ത്രം പ​രി​ക​ർ​മം ചെ​യ്യ​പ്പെ​ടേ​ണ്ട ഒ​ന്നാ​ണ്. ക​ത്തോ​ലി​ക്കാ​ സ​ഭ​യു​ടെ പ​ഠ​ന​മ​നു​സ​രി​ച്ച് സാ​ധു​വാ​യ തി​രു​പ്പ​ട്ടം സ്വീ​ക​രി​ച്ച ഏ​തൊ​രു​വ​നും മ​ര​ണം വ​രെ പു​രോ​ഹി​ത​നാ​ണെ​ങ്കി​ലും പൗ​രോ​ഹി​ത്യ അ​ന്ത​സ് എ​ന്നു പ​റ​യു​ന്ന പൗ​രോ​ഹി​ത്യ അ​വ​കാ​ശ​ങ്ങ​ളു​ടെ​യും ക​ട​മ​ക​ളു​ടെ​യും ആ​കെ​ത്തു​ക പ​ല രീ​തി​യി​ൽ ന​ഷ്‌​ട​പ്പെ​ടു​വാ​നു​ള്ള സാ​ധ്യ​ത ല​ത്തീ​ൻ സ​ഭ​യ്ക്കാ​യു​ള്ള കാ​ന​ൻ നി​യ​മ​ത്തി​ലും (സി​ഐ​സി), പൗ​ര​സ്ത്യ കാ​നോ​ന സം​ഹി​ത​യി​ലും (സി​സി​ഇ​ഒ) സ​ഭ​യു​ടെ പ​ര​മാ​ധി​കാ​രി​യാ​യ മാ​ർ​പാ​പ്പ​ത​ന്നെ വ്യ​ക്ത​മാ​ക്കി​യി​ട്ടു​ണ്ട്.

ഓ​രോ വ്യ​ക്തി​യും പൗ​രോ​ഹി​ത്യ​മെ​ന്ന മ​ഹ​നീ​യ പ​ദ​വി​യി​ലേ​ക്ക് ഉ​യ​ർ​ത്ത​പ്പെ​ടു​ന്ന​ത് ആ ​അ​ർ​ഥി, താ​ൻ അം​ഗ​മാ​യി​രി​ക്കു​ന്ന സ​ന്യാ​സ​സ​ഭ​യു​ടെമേ​ൽ​ 6ശ്രേ​ഷ്ഠ​നോ അ​ഥ​വാ, താ​ൻ അം​ഗ​മാ​യി​രി​ക്കു​ന്ന രൂ​പ​ത​യു​ടെ മെ​ത്രാ​നോ വി​ധേ​യ​മാ​യി ജീ​വി​ച്ചു​കൊ​ള്ളാ​മെ​ന്ന് പ​ട്ടം ന​ല്കു​ന്ന മെ​ത്രാ​ന്‍റെ മു​ന്പി​ൽ മു​ട്ടു​കു​ത്തി​നി​ന്നു​കൊ​ണ്ട് സ​ത്യ​പ്ര​തി​ജ്ഞ ചെ​യ്ത​തി​നു​ശേ​ഷ​മാ​ണ്. മ​റ്റൊ​രു വാ​ക്കി​ൽ പ​റ​ഞ്ഞാ​ൽ, ക​ത്തോ​ലി​ക്കാ​സ​ഭ​യി​ൽ സ​ർ​വ​ത​ന്ത്ര​സ്വ​ത​ന്ത്ര​മാ​യ ഒ​രു പൗ​രോ​ഹി​ത്യ ശു​ശ്രൂ​ഷ അ​നു​വ​ദ​നീ​യ​മ​ല്ല.

ഒ​ന്നു​കി​ൽ രൂ​പ​താ മെ​ത്രാ​നെ അ​നു​സ​രി​ച്ചു​കൊ​ണ്ടു​ള്ള പൗ​രോ​ഹി​ത്യ ശു​ശ്രൂ​ഷ, അ​ഥ​വാ സ​ന്യാ​സ​വൈ​ദി​ക​രെ സം​ബ​ന്ധി​ച്ചി​ട​ത്തോ​ളം മേ​ൽ​ശ്രേ​ഷ്ഠ​നെ അ​നു​സ​രി​ച്ചു​ള്ള വൈ​ദി​ക ശു​ശ്രൂ​ഷ. അ​തി​നാ​ൽ​ത്ത​ന്നെ, ഒ​രു വൈ​ദി​ക​ൻ ത​ന്‍റെ രൂ​പ​താ​ധ്യ​ക്ഷ​നെ​യോ സ​ന്യാ​സ ശ്രേ​ഷ്ഠാ​ധി​കാ​രി​യെ​യോ അ​നു​സ​രി​ക്കാ​തെ, പൗ​രോ​ഹി​ത്യാ​ന്ത​സി​ൽ തു​ട​രു​വാ​ൻ ക​ത്തോ​ലി​ക്കാ​സ​ഭ​യു​ടെ കാ​ന​ൻ നി​യ​മം അ​നു​വ​ദി​ക്കു​ന്നു​മി​ല്ല. ഏ​തൊ​രു സ​മൂ​ഹ​ത്തെ​യും​പോ​ലെ നി​യ​മ​ങ്ങ​ളും ച​ട്ട​ക്കൂ​ടു​ക​ളു​മു​ള്ള ഒ​രു സ​മൂ​ഹ​മാ​ണു ക​ത്തോ​ലി​ക്കാ​സ​ഭ​യും.

ക​ത്തോ​ലി​ക്കാ​സ​ഭ​യു​ടെ ല​ത്തീ​ൻ കാ​ന​ൻ നി​യ​മ​ത്തി​ലും പൗ​ര​സ്ത്യ​സ​ഭാ കാ​നോ​ന സം​ഹി​ത​ക​ളി​ലും സ​ഭാ​പ​ര​മാ​യ നി​യ​മ​ലം​ഘ​ന സം​ബ​ന്ധി​യാ​യു​ള്ള പ​രാ​തി​ക​ൾ സ്വീ​ക​രി​ച്ച് ശി​ക്ഷാ​ർ​ഹ​മാ​യ കു​റ്റം ചെ​യ്ത​വ​രെ ശി​ക്ഷി​ക്കു​വാ​നു​ള്ള ശി​ക്ഷാ​നി​യ​മ​ങ്ങ​ളും ശി​ക്ഷാ ന​ട​പ​ടി​ക്ര​മ​ങ്ങ​ളും അ​നു​സ​രി​ച്ചു പ്ര​വ​ർ​ത്തി​ക്കു​ന്ന, സ​ഭാ​കോ​ട​തി​ക​ൾ സ്ഥാ​പി​ക്കാ​നു​ള്ള ന​ട​പ​ടി​ക്ര​മ​ങ്ങ​ൾ വ്യ​ക്ത​മാ​യി നി​ർ​വ​ചി​ച്ചി​ട്ടു​ണ്ട്. ക​ത്തോ​ലി​ക്കാ​സ​ഭ​യു​ടെ ശി​ക്ഷാ​നി​യ​മ​ത്തി​ൽ ഉ​ൾ​പ്പെ​ടു​ത്തി​യി​ട്ടു​ള്ള കു​റ്റ​ങ്ങ​ൾ ചെ​യ്ത​വ​രെ മേ​ല​ധി​കാ​രി​ക്കു നേ​രി​ട്ടോ അ​ഥ​വാ സ​ഭാ​കോ​ട​തി​ക​ൾ സ്ഥാ​പി​ച്ച് അ​തു​വ​ഴി​യോ കു​റ്റ​വി​ചാ​ര​ണ​യ്ക്കു വി​ധേ​യ​മാ​ക്കാ​വു​ന്ന​താ​ണ്.

പൗ​ര​സ്ത്യ കാ​നോ​ന സം​ഹി​ത​യി​ൽ 27-ാം ശീ​ർ​ഷ​ക​ത്തി​ൽ സ​ഭ​യി​ലെ ശി​ക്ഷാ​നി​യ​മ​ങ്ങ​ളും 28-ാം ശീ​ർ​ഷ​ക​ത്തി​ൽ ശി​ക്ഷാ ന​ട​പ​ടി​ക്ര​മ​ങ്ങ​ളും എ​ങ്ങ​നെ​യെ​ന്ന് വ്യ​ക്ത​മാ​ക്കി​യി​രി​ക്കു​ന്ന​തു​കൂ​ടാ​തെ സ​ഭാ​കോ​ട​തി​ക​ളി​ലെ വ്യ​വ​ഹാ​ര​ക്ര​മ​വും കോ​ട​തി​യു​ടെ ഘ​ട​ന​യു​മെ​ല്ലാം 24, 25 എ​ന്നീ ശീ​ർ​ഷ​ക​ങ്ങ​ളി​ലും വി​ശ​ദ​മാ​യി പ്ര​തി​പാ​ദി​ച്ചി​ട്ടു​ണ്ട്. ചെ​റി​യ കു​റ്റ​ങ്ങ​ൾ​ക്കു​ള്ള ശി​ക്ഷാ​ന​ട​പ​ടി​ക​ൾ കോ​ട​തി ന​ട​പ​ടി​ക്ര​മം കൂ​ടാ​തെ മേ​ല​ധ്യ​ക്ഷ​നു​ത​ന്നെ ചെ​യ്യു​ന്ന​തി​നു​ള്ള സാ​ധ്യ​ത പൗ​ര​സ്ത്യ കാ​നോ​ന​സം​ഹി​ത​യി​ലെ 1486 ഉം 1487 ​ഉം കാ​നോ​ന​ക​ൾ വി​ശ​ദീ​ക​രി​ക്കു​ന്പോ​ൾ, കൂ​ടു​ത​ൽ ഗൗ​ര​വ​ത​ര​മാ​യ കു​റ്റ​ങ്ങ​ൾ​ക്കു​ള്ള ശി​ക്ഷാ​ന​ട​പ​ടി ക്ര​മം 1471 മു​ത​ൽ 1482 വ​രെ​യു​ള്ള കാ​നോ​ന​ക​ളി​ൽ വി​ശ​ദ​മാ​ക്കി​യി​രി​ക്കു​ന്നു.

1446-ാം കാ​നോ​ന​യ​നു​സ​രി​ച്ച് “ത​ന്‍റെ​ത​ന്നെ മേ​ല​ധ്യ​ക്ഷ​ന്‍റെ നി​യ​മാ​നു​സൃ​തം പു​റ​പ്പെ​ടു​വി​ക്കു​ന്ന ക​ല്പ​ന​യോ നി​രോ​ധ​ന​മോ അ​നു​സ​രി​ക്കാ​തി​രി​ക്കു​ക​യും ശാ​സ​ന​യ്ക്കു​ശേ​ഷ​വും അ​നു​സ​ര​ണ​മി​ല്ലാ​യ്മ​യി​ലും തു​ട​രു​ക​യും ചെ​യ്യു​ന്ന വ്യ​ക്തി കു​റ്റ​വാ​സ​ന​യു​ള്ള​വ​ൻ എ​ന്ന​നി​ല​യി​ൽ അ​നു​യോ​ജ്യ​മാ​യി ശി​ക്ഷി​ക്ക​പ്പെ​ടേ​ണ്ട​താ​ണ്’’. അ​തു​പോ​ലെ, 1447-ാം കാ​നോ​ന​യു​ടെ ഒ​ന്നാം ഖ​ണ്ഡി​ക പ്ര​കാ​രം “ഏ​തൊ​രു മേ​ല​ധ്യ​ക്ഷ​നെ​തി​രേ​യും ഉ​പ​ജാ​പം ന​ട​ത്തു​ക​യോ വി​ദ്വേ​ഷം വ​ള​ർ​ത്തു​ക​യോ അ​ദ്ദേ​ഹ​ത്തി​ന്‍റെ അ​ധീ​ന​രെ അ​നു​സ​ര​ണ​ക്കേ​ടി​നു പ്രേ​രി​പ്പി​ക്കു​ക​യോ ചെ​യ്യു​ന്ന ആ​ൾ മ​ഹ​റോ​ൻ ശി​ക്ഷ​പോ​ലും ഒ​ഴി​വാ​ക്കാ​തെ ത​ന്നെ അ​നു​യോ​ജ്യ​മാ​യി ശി​ക്ഷി​ക്ക​പ്പെ​ടേ​ണ്ട​താ​ണ് ‘’.

ഇ​ങ്ങ​നെ​യു​ള്ള ഗൗ​ര​വ​ത​ര​മാ​യ കു​റ്റം ചെ​യ്ത​താ​യി ആ​രോ​പി​ക്ക​പ്പെ​ടു​ന്ന ഒ​രു പു​രോ​ഹി​ത​നെ​തി​രേ 1468 മു​ത​ൽ 1470 വ​രെ​യു​ള്ള കാ​നോ​ന​ക​ളി​ൽ പ​റ​ഞ്ഞി​രി​ക്കു​ന്ന പ്രാ​ഥ​മി​ക അ​ന്വേ​ഷ​ണ​ത്തി​നു​ശേ​ഷം ആ​രോ​പി​ത​ൻ കു​റ്റം ചെ​യ്ത​താ​യു​ള്ള​പ്ര​ഥ​മ​ദൃ​ഷ്‌​ട്യാ നി​ഗ​മ​ന​ത്തി​ലെ​ത്തി​ച്ചേ​ർ​ന്ന ഒ​രു രൂ​പ​താ​ധ്യ​ക്ഷ​ന്‍റെ നൈ​യാ​മി​ക ദൗ​ത്യ​മാ​ണ് കു​റ്റാ​രോ​പ​ണ​ത്തി​ന്‍റെ സ്വ​ഭാ​വ​വും ഗൗ​ര​വവും പ​രി​ഗ​ണി​ച്ച് പ്ര​ത്യേ​ക ശി​ക്ഷാ​കോ​ട​തി രൂ​പീ​ക​രി​ക്ക​ണ​മോ അതോ കോ​ട​തി ന​ട​പ​ടി​ക്ര​മം കൂ​ടാ​തെ​യു​ള്ള ശി​ക്ഷ​ചു​മ​ത്ത​ൽ ന​ട​പ​ടി ക്ര​മ​ങ്ങ​ളി​ലേ​ക്ക് ക​ട​ക്ക​ണ​മോ എ​ന്ന തീ​രു​മാ​ന​മെ​ടു​ക്ക​ൽ. ഈ ​ര​ണ്ടു തീ​രു​മാ​ന​ങ്ങ​ളി​ലൊ​ന്ന് ന​ട​പ്പി​ൽ വ​രു​ത്താ​ൻ അ​മാ​ന്തം വ​രു​ത്തു​ന്ന രൂ​പ​താ​ധ്യ​ക്ഷ​ൻ​ത​ന്നെ കു​റ്റ​ക​ര​മാ​യ അ​നാ​സ്ഥ​യ്ക്കു​ള്ള ശി​ക്ഷ സ്വ​യം വ​രു​ത്തി​വ​യ്ക്കു​മെ​ന്ന് കാ​ന​ൻ നി​യ​മം നി​ഷ്ക​ർ​ഷി​ക്കു​ന്നു.

ഈ ​പ​ശ്ചാ​ത്ത​ല​ത്തി​ൽ വേ​ണം, താ​മ​ര​ശേ​രി രൂ​പ​താ​ധ്യ​ക്ഷ​ൻ ത​ന്‍റെ രൂ​പ​ത​യി​ലെ ഒ​രു വൈ​ദി​ക​നെ​തി​രേ ഉ​യ​ർ​ന്നു​വ​ന്ന വി​വി​ധ​ങ്ങ​ളാ​യ കു​റ്റാ​രോ​പ​ണ​ങ്ങ​ളെ​പ്പ​റ്റി​യു​ള്ള ശി​ക്ഷാ ന​ട​പ​ടി​ക​ൾ സ്വീ​ക​രി​ക്കു​വാ​നാ​യി ഒ​രു പ്ര​ത്യേ​ക ശി​ക്ഷാ​കോ​ട​തി സ്ഥാ​പി​ച്ച​ത്. അ​ത് മ​ധ്യ​ശ​ത​ക​ങ്ങ​ളി​ലെ ഇ​ൻ​ക്വി​സി​ഷ​ൻ പോ​ലു​ള്ള ഒ​ന്ന​ല്ല, പ്ര​ത്യു​ത ക​ത്തോ​ലി​ക്കാ​സ​ഭ​യു​ടെ പ​ര​മാ​ധി​കാ​രി​യാ​യ മാ​ർ​പാ​പ്പ​യാ​ൽ ന​ല്ക​പ്പെ​ട്ട കാ​ന​ൻ നി​യ​മം നി​ഷ്ക​ർ​ഷി​ക്കു​ന്ന നി​യ​മ​വ്യ​വ​സ്ഥ​യു​ടെ ഭാ​ഗ​മാ​യി രൂ​പ​ത മെ​ത്രാ​ൻ ത​നി​ക്ക് ഏ​ൽ​പ്പി​ക്ക​പ്പെ​ട്ട ദൗ​ത്യം വി​ശ്വ​സ്ത​താ​പൂ​ർ​വം നി​ർ​വ​ഹി​ക്കു​ന്ന​തു​ത​ന്നെ​യാ​ണ്.

ഫ്രാ​ൻ​സി​സ് മാ​ർ​പാ​പ്പ പാ​ശ്ചാ​ത്യ, പൗ​ര​സ്ത്യ ശി​ക്ഷാ​നി​യ​മ​ങ്ങ​ൾ പ​രി​ഷ്ക​രി​ച്ച​പ്പോ​ൾ പു​തു​താ​യി കൂ​ട്ടി​ച്ചേ​ർ​ത്ത ശി​ക്ഷാ​നി​യ​മം വ്യ​വ​സ്ഥ ചെ​യ്യു​ന്ന​തു​പോ​ലെ പ്ര​സ്തു​ത രൂ​പ​താ​കോ​ട​തി, കു​റ്റാ​രോ​പി​ത​നാ​യ വൈ​ദി​ക​ൻ ശി​ക്ഷാ​ർ​ഹ​മാ​യ കു​റ്റം ചെ​യ്ത​താ​യി വി​ധി​ക്കു​ന്ന​തു​വ​രെ ആ ​വൈ​ദി​ക​നെ തെ​റ്റു​കാ​ര​നാ​യി സ​ഭ ക​രു​തു​ന്നു​മി​ല്ല. എ​ന്നി​രു​ന്നാ​ലും ആ​രോ​പി​ക്ക​പ്പെ​ട്ട കു​റ്റ​ങ്ങ​ൾ അ​തീ​വ​ഗു​രു​ത​ര​മാ​ക​യാ​ൽ പൗ​ര​സ്ത്യ കാ​നോ​ന സം​ഹി​ത​യി​ലെ 1402-ാം കാ​നോ​ന പ്ര​കാ​രം മൂ​ന്നു ജ​ഡ്ജി​മാ​രു​ള്ള ഒ​രു സ​ഭാ​കോ​ട​തി​യു​ടെ ബെ​ഞ്ചി​ന്‍റെ തീ​ർ​പ്പി​നു​ശേ​ഷം മാ​ത്ര​മേ അ​നു​യോ​ജ്യ​മാ​യ ശി​ക്ഷ വി​ധി​ക്കു​വാ​ൻ സാ​ധി​ക്കു​ക​യു​ള്ളൂ. അ​തി​നാ​ലാ​ണു താ​മ​ര​ശേ​രി രൂ​പ​ത മെ​ത്രാ​ൻ അ​ങ്ങ​നെ​യു​ള്ള ഒ​രു കോ​ട​തി​യു​ടെ ബെ​ഞ്ചി​ന് രൂ​പം കൊ​ടു​ത്തി​രി​ക്കു​ന്ന​ത്. ഇ​ത് കു​റ്റാ​രോ​പ​ണ​ങ്ങ​ളു​ടെ ഗൗ​ര​വ​വും വ്യ​ക്ത​മാ​ക്കു​ന്നു​ണ്ട്.

ക​ത്തോ​ലി​ക്കാ​സ​ഭ​യു​ടെ പ​ഠ​ന​മ​നു​സ​രി​ച്ച് ശി​ക്ഷ എ​ന്നു​ള്ള​ത് മ​റ്റു മാ​ർ​ഗ​ങ്ങ​ളെ​ല്ലാം പ​രാ​ജ​യ​പ്പെ​ടു​ന്പോ​ൾ ഉ​പ​യോ​ഗി​ക്കു​വാ​നു​ള്ള അ​വ​സാ​ന ആ​യു​ധം മാ​ത്ര​മാ​ണ്. അ​തു​പോ​ലെ​ത​ന്നെ, ശി​ക്ഷി​ക്കു​ന്ന​തു​പോ​ലും ശി​ക്ഷാ​ർ​ഹ​നാ​യ വ്യ​ക്തി​യു​ടെ ആ​ത്മ​ര​ക്ഷ​യ്ക്കു​വേ​ണ്ടി​യും കൂ​ടി​യാ​ണ്. സ​ഭ​യു​ടെ കാ​ന​ൻ​നി​യ​മ​മ​നു​സ​രി​ച്ച്, ശി​ക്ഷ​യു​ടെ മൂ​ന്നു ല​ക്ഷ്യ​ങ്ങ​ൾ ഇ​വ​യാ​ണ്. 1. കു​റ്റം ചെ​യ്ത വ്യ​ക്തി​യു​ടെ മാ​ന​സാ​ന്ത​രം 2. കു​റ്റം വ​ഴി​യു​ണ്ടാ​യ അ​നീ​തി​ക്ക് പ​രി​ഹാ​രം കാ​ണ​ൽ. 3. കു​റ്റം മൂ​ല​മു​ണ്ടാ​യ ഉ​ത​പ്പ് ഇ​ല്ലാ​യ്മ ചെ​യ്യ​ൽ. ക​ത്തോ​ലി​ക്കാ​സ​ഭ​യ്ക്ക് സ​ഭ​യാ​കു​ന്ന മൗ​തി​ക ശ​രീ​ര​ത്തി​ലെ അം​ഗ​ങ്ങ​ളു​ടെ ദൂഷ്യങ്ങ​ളും ‌കു​റ്റ​ങ്ങ​ളുംമൂ​ലം മു​റി​വേ​ൽ​ക്കു​ന്ന​തി​ൽ​നി​ന്നും സ്വ​യം പ്ര​തി​രോ​ധി​ക്കേ​ണ്ടി​യി​രി​ക്കു​ന്നു. ഈ ​പ​ശ്ചാ​ത്ത​ല​ത്തി​ൽ വേ​ണം കു​റ്റ​ങ്ങ​ൾ​ക്കു​ള്ള ശി​ക്ഷ​ക​ളെ കാ​ണു​വാ​ൻ. “punire per salvare’’ അ​താ​യ​ത് “ശി​ക്ഷ​യി​ലൂ​ടെ ര​ക്ഷി​ക്കു​ക’’ എ​ന്ന​ത് ക​ത്തോ​ലി​ക്കാ​സ​ഭ​യു​ടെ പ്ര​ഖ്യാ​പി​ത​മാ​യ ഒ​രു ന​ട​പ​ടി​ക്ര​മം ത​ന്നെ.