മാധ്യമങ്ങളെ വിലങ്ങണിയിക്കുന്നവർ

മാ​ധ്യ​മ​ങ്ങ​ൾ​ക്കു കൂ​ച്ചു​വി​ല​ങ്ങി​ട്ടു ജ​നാ​ധി​പ​ത്യ​വും പൗ​രാ​വ​കാ​ശ​വും പ​രി​മി​ത​പ്പെ​ടു​ത്താ​നു​ള്ള ശ്ര​മം ലോ​ക​മെ​ന്പാ​ടും സ​ജീ​വ​മാ​ണി​പ്പോ​ൾ. ജ​നാ​ധി​പ​ത്യ​ത്തെ​ക്കു​റി​ച്ച് ഏ​റെ വാ​ചാ​ല​മാ​കു​ന്ന അ​മേ​രി​ക്ക​യും ബ്രി​ട്ട​നും​പോ​ലും ഇ​തി​ൽ​നി​ന്നു മു​ക്ത​മ​ല്ല. ലോ​ക​ത്തി​ലെ ഏ​റ്റ​വും വ​ലി​യ ജ​നാ​ധി​പ​ത്യമെ​ന്ന​ഭി​മാ​നി​ക്കു​ന്ന ഇ​ന്ത്യ​യി​ലെ സ്ഥി​തി​യും ഭി​ന്ന​മ​ല്ല. അ​യ​ൽ​രാ​ജ്യ​മാ​യ പാ​ക്കി​സ്ഥാ​നാ​ക​ട്ടെ അ​ടു​ത്ത​നാ​ളി​ൽ മാ​ധ്യ​മ സെ​ൻ​സ​ർ​ഷി​പ്പ് ക​ർ​ശ​ന​മാ​ക്കി.

പ്ര​മു​ഖ പ്ര​തി​പ​ക്ഷ നേ​താ​ക്ക​ളു​ടെ അ​ഭി​മു​ഖ​ങ്ങ​ൾ പ്ര​സി​ദ്ധീ​ക​രി​ക്കു​ന്ന​തി​നു വി​ല​ക്ക് ഏ​ർ​പ്പെ​ടു​ത്ത​ിയ​തോ​ടെ​യാ​ണ് പാ​ക്കി​സ്ഥാ​നി​ലെ മാ​ധ്യ​മ​മാ​ര​ണം ലോ​ക​ശ്ര​ദ്ധ​യാ​ക​ർ​ഷി​ച്ച​ത്. മു​ൻ പ്ര​സി​ഡ​ന്‍റും ബേ​ന​സീ​ർ ഭൂ​ട്ടോ​യു​ടെ ഭ​ർ​ത്താ​വുമാ​യ ആ​സി​ഫ് അ​ലി സ​ർ​ദാ​രി​യു​ടെ​യും മു​ൻ പ്ര​ധാ​ന​മ​ന്ത്രി​യും പാ​ക്കി​സ്ഥാ​ൻ മു​സ്‌​ലിം ലീ​ഗ് -എ​ൻ നേ​താ​വു​മാ​യ ന​വാ​സ് ഷെ​രീ​ഫി​ന്‍റെ പു​ത്രി മ​റി​യം ന​വാ​സി​ന്‍റെ​യും അ​ഭി​മു​ഖ​ങ്ങ​ൾ​ക്കാ​ണു വി​ല​ക്കേ​ർ​പ്പെ​ടു​ത്തി​യ​ത്. ഇ​രു​വ​രു​ടെ​യും അ​ഭി​മു​ഖ​ങ്ങ​ളി​ൽ ഇ​പ്പോ​ഴ​ത്തെ ഇ​മ്രാ​ൻ സ​ർ​ക്കാ​രി​നെ​തി​രേ നി​ശി​ത വി​മ​ർ​ശ​നം ഉ​യ​ർ​ന്നി​രു​ന്നു. സ​ർ​ദാ​രി​യു​ടെ ഇ​ന്‍റ​ർ​വ്യൂ ജി​യോ ന്യൂ​സി​ലും മ​റി​യം ന​വാ​സി​ന്‍റേ​ത് ഹം ​ന്യൂ​സി​ലു​മാ​ണു സം​പ്രേ​ഷ​ണം ചെ​യ്ത​ത്.
മ​റി​യ​വു​മാ​യി മാ​ധ്യ​മ​പ്ര​വ​ർ​ത്ത​ക​ൻ ന​ദീം മാ​ലി​ക് ന​ട​ത്തി​യ ഇ​ന്‍റ​ർ​വ്യൂ ലൈ​വാ​യി സം​പ്രേഷ​ണം ചെ​യ്തു തു​ട​ങ്ങി എ​താ​നും മി​നി​റ്റു ക​ഴി​ഞ്ഞ​പ്പോ​ൾ നി​ർ​ത്തി​വ​യ്ക്കു​ക​യാ​യി​രു​ന്നു. ന​ദീം പ​ക്ഷേ ഇ​തു ത​ന്‍റെ ട്വിറ്റ​ർ, യു​ട്യൂ​ബ് അ​ക്കൗ​ണ്ടു​ക​ളി​ൽ ഇ​ട്ടി​ട്ടു​ണ്ട്.

അ​ഴി​മ​തി​ക്കേ​സി​ൽ ന​വാ​സ് ഷെ​രീ​ഫ് ശി​ക്ഷി​ക്ക​പ്പെ​ട്ടി​രു​ന്നു. ഇ​ത്ത​ര​മൊ​രു വി​ധി പ്ര​സ്താ​വി​ക്കാ​ൻ താ​ൻ നി​ർ​ബ​ന്ധി​ത​നാ​വു​ക​യാ​യി​രു​ന്നു​വെ​ന്നു ജ​ഡ്ജി ആ​ർ​ഷാ​ദ് മാ​ലി​ക് പ​റ​യു​ന്ന വീ​ഡി​യോ ദൃ​ശ്യം മ​റി​യം ന​വാ​സ് ഈ​യി​ടെ പ​ത്ര​സ​മ്മേ​ള​ന​ത്തി​ൽ പു​റ​ത്തു​വി​ട്ടി​രു​ന്നു. ഈ ​പ​ത്ര​സ​മ്മേ​ള​നം ലൈ​വാ​യി സം​പ്രേ​ഷ​ണം ചെ​യ്ത​തി​നു മൂ​ന്നു ടെ​ലി​വി​ഷ​ൻ ചാ​ന​ലു​ക​ൾ​ക്കെ​തി​രേ റെ​ഗു​ലേ​റ്റ​റി അ​ഥോ​റി​റ്റി ന​ട​പ​ടി സ്വീ​ക​രിച്ചു.

പ​ഞ്ചാ​ബി​ലെ മ​ണ്ഡി ബ​ഹാ​വു​ദ്ദീ​നി​ൽ മ​റി​യം ന​ട​ത്തി​യ റാ​ലി​യു​ടെ ദൃ​ശ്യ​ങ്ങ​ൾ സം​പ്രേ​ഷ​ണം ചെ​യ്യാ​നും ചാ​ന​ലു​ക​ളെ അ​നു​വ​ദി​ച്ചി​ല്ല. ഏ​താ​യാ​ലും മാ​ധ്യ​മ​പ്ര​വ​ർ​ത്ത​ക​നെന്ന നി​ല​യി​ൽ ത​ന്‍റെ ജോ​ലി വ​സ്തു​ത​ക​ൾ ക​ണ്ടെ​ത്തു​കയും അ​തു റി​പ്പോ​ർ​ട്ട് ചെ​യ്യു​ക​യു​മാ​ണെ​ന്നും അ​തു തു​ട​രു​ക​ത​ന്നെ ചെ​യ്യു​മെ​ന്നും ന​ദീം മാ​ലി​ക് വ്യ​ക്ത​മാ​ക്കു​ന്നു.

പോ​ലീ​സ് സെ​ൻ​സ​റിം​ഗ്

ബ്രി​ട്ട​നി​ൽ പോ​ലീ​സാ​ണു മാ​ധ്യ​മ​ങ്ങ​ൾ​ക്കെ​തി​രേ തി​രി​ഞ്ഞി​രി​ക്കു​ന്ന​ത്. പി​ന്നി​ൽ രാ​ഷ്‌​ട്രീ​യക്കാ​രു​ണ്ടെ​ന്ന് ഉ​റ​പ്പ്. ബ്രി​ട്ട​നി​ലെ അ​മേ​രി​ക്ക​ൻ അം​ബാ​സ​ഡ​റു​മാ​യി ബ​ന്ധ​പ്പെ​ട്ട ചി​ല രേ​ഖ​ക​ൾ ചോ​ർ​ന്നി​രു​ന്നു. ഇ​ത് ഒ​രു പ​ത്രം പ്ര​സി​ദ്ധീ​ക​രി​ച്ചു. ബ്രി​ട്ട​നും അ​മേ​രി​ക്ക​യു​മാ​യു​ള്ള ഉ​ഭ​യ​ക​ക്ഷി​ബ​ന്ധം ഉ​ല​യ്ക്കാ​ൻ​പോ​ലും അ​തു കാ​ര​ണ​മാ​യി. അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് കു​പി​ത​നാ​യി. അം​ബാ​സ​ഡ​റു​ടെ രാ​ജി​യി​ലാ​ണ​തു ചെ​ന്നെ​ത്തി​യ​ത്.

രേ​ഖ​ക​ൾ ചോ​ർ​ന്ന​തി​നെ​ക്കു​റി​ച്ച് അ​ന്വേ​ഷ​ണം ന​ട​ക്കു​ന്നു​ണ്ട്. കൂ​ടു​ത​ൽ രേ​ഖ​ക​ൾ പു​റ​ത്തു​വ​ന്നാ​ൽ മാ​ധ്യ​മ​പ്ര​വ​ർ​ത്ത​ക​ർ​ക്കും പ്ര​സാ​ധ​ക​ർ​ക്കു​മെ​തി​രേ ന​ട​പ​ടി​യെ​ടു​ക്കു​മെ​ന്നു പോ​ലീ​സ് മു​ന്ന​റി​യി​പ്പു ന​ൽ​കി. മാ​ധ്യ​മ​പ്ര​വ​ർ​ത്ത​ക​രും ചി​ല രാ​ഷ്‌​ട്രീ​യ​നേ​താ​ക്ക​ളും ഇ​തി​നെ​തി​രേ രം​ഗ​ത്തെ​ത്തി. അ​ടു​ത്ത പ്ര​ധാ​ന​മ​ന്ത്രി സ്ഥാ​ന​ത്തി​നാ​യി കു​പ്പാ​യം ത​യ്പ്പി​ച്ചി​രി​ക്കു​ന്ന​വ​രും പ്ര​തി​ഷേ​ധ​ത്തി​ൽ പ​ങ്കാ​ളി​ക​ളാ​യി. മാ​ധ്യ​മ സ്വാ​ത​ന്ത്ര്യ​ത്തെ ഹ​നി​ക്കു​ന്ന പോ​ലീ​സ് ന​ട​പ​ടി അ​പ​ക​ട​ക​ര​മാ​ണെ​ന്നു ആ​രോ​ഗ്യ​മ​ന്ത്രി മാ​റ്റ് ഹാ​ൻ​കോ​ക്കും ട്വീ​റ്റ് ചെ​യ്തു.

പ്ര​ധാ​ന​മ​ന്ത്രി സ്ഥാ​ന​ത്തേ മു​ൻ​നി​ര​ക്കാ​രാ​യി ബോ​റി​സ് ജോ​ൺ​സ​ണും ജെ​റ​മി ഹ​ണ്ടും പ​ക്ഷേ സൂ​ക്ഷി​ച്ചാ​ണു പ്ര​തി​ക​രി​ച്ച​ത്. രേ​ഖ ചോ​ർ​ത്തി​യ​വ​രെ പി​ടി​കൂ​ട​ണ​മെ​ന്നും മാ​ധ്യ​മ​ങ്ങ​ളെ ല​ക്ഷ്യ​മി​ട​രു​തെ​ന്നു​മാ​യി​രു​ന്നു അ​വ​രു​ടെ പ്ര​തി​ക​ര​ണം.

ഭീ​ക​ര​വി​രു​ദ്ധ വി​ഭാ​ഗ​ത്തി​ലെ മു​തി​ർ​ന്ന ഓ​ഫീ​സ​റാ​യ നീ​ൽ ബാ​സു​വാ​ണ് ഇ​ത്ത​ര​മൊ​രു മു​ന്ന​റി​യി​പ്പു ന​ൽ​കി​യ​ത്. മാ​ധ്യ​മ​സ്വാ​ത​ന്ത്ര്യ​ത്തെ​ക്കു​റി​ച്ചു യാ​തൊ​ന്നും അ​റി​യാ​ത്ത ഒ​രു ഉ​ദ്യോ​ഗ​സ്ഥ​ന്‍റെ വി​ഡ്ഢി​ത്തം നി​റ​ഞ്ഞ ഉ​ത്ത​ര​വാ​ണി​തെ​ന്നു മു​ൻ ധ​ന​മ​ന്ത്രി​യും ഇ​പ്പോ​ൾ ല​ണ്ട​ൻ ഈ​വ​നിം​ഗ് സ്റ്റാ​ൻ​ഡാ​ർ​ഡി​ന്‍റെ എ​ഡി​റ്റ​റു​മാ​യ ജോ​ർ​ജ് ഒ​സ്‌​ബോ​ൺ പ​റ​ഞ്ഞു.

ചൈ​നീ​സ് മോ​ഡ​ൽ

മു​ത​ലാ​ളി​ത്ത ക​മ്യൂ​ണി​സ​ത്തി​ന്‍റെ പു​തു​വ​ഴി​ക​ൾ തേ​ടു​ന്ന ചൈ​ന​യും മാ​ധ്യ​മ മാ​ര​ണ​ത്തി​ൽ പി​ന്നോ​ട്ട​ല്ല. ജ​നാ​ധി​പ​ത്യ ധ്വം​സ​ന​ത്തി​ന്‍റെ ടി​യാ​ന​ൻ​മെ​ൻ ച​ത്വ​രം ക​ട​ന്നി​ട്ടു കാ​ല​മേ​റെ​യാ​യെ​ങ്കി​ലും ഭ​ര​ണ​ത്തി​ലി​രി​ക്കുന്ന​വ​രു​ടെ നേ​രേ വി​ര​ൽചൂ​ണ്ടാ​ൻ ആ​രെ​യും അ​നു​വ​ദി​ക്കു​ന്ന പ്ര​ശ്ന​മി​ല്ല. മാ​ധ്യ​മ​ങ്ങ​ൾ ഇ​ക്കാ​ര്യ​ത്തി​ൽ വ​ഴി​വി​ട്ടു പോ​യാ​ൽ ത​ക്ക ന​ട​പ​ടി ഒ​ട്ടും വൈ​കി​ല്ല. ഭ​ര​ണാ​ധി​കാ​രി​ക​ൾ​ക്കു ഹി​ത​ക​ര​മ​ല്ലാ​ത്ത മാ​ധ്യ​മ​പ്ര​വ​ർ​ത്ത​നം ന​ട​ത്തു​ന്ന​വ​ർ​ക്ക് ഷാം​ഗ് വെ​ൻ​മി​ൻ എ​ന്ന മാ​ധ്യ​മ​പ്ര​വ​ർ​ത്ത​ക​യു​ടെ അ​നു​ഭ​വ​മാ​കും ഉ​ണ്ടാ​വു​ക.

ചൈ​ന​യി​ലെ പ്ര​മു​ഖ​ വ​നി​താ മാ​ധ്യ​മ​പ്ര​വ​ർ​ത്ത​ക​യാ​ണു ഷാം​ഗ്. പോ​ലീ​സ് അ​തി​ക്ര​മം, അ​ന്യാ​യ​മാ​യ ത​ട​ങ്ക​ൽ, പ​രി​സ്ഥി​തി നാ​ശം എ​ന്നി​ങ്ങ​നെ​യു​ള്ള വി​ഷ​യ​ങ്ങ​ളി​ൽ ഷാം​ഗ് ആ​ഴ​ത്തി​ൽ റി​പ്പോ​ർ​ട്ടു​ക​ൾ ത​യാ​റാ​ക്കും. പോ​ലീ​സ് അ​തി​ക്ര​മ​ങ്ങ​ൾ​ക്കെ​തി​രേ ത​ന്‍റെ റി​പ്പോ​ർ​ട്ടു​ക​ളി​ലൂ​ടെ ഷാം​ഗ് ആ​ഞ്ഞ​ടി​ച്ചി​ട്ടു​ണ്ട്. ഷാം​ഗി​നു വി​വ​ര​ങ്ങ​ൾ ന​ൽ​കു​ന്ന​വ​രെ​യാ​ണ് പോ​ലീ​സ് ആ​ദ്യം പി​ടി​കൂ​ടി​യ​ത്.
വി​വി​ധ മാ​ധ്യ​മ​ങ്ങ​ൾ​ക്കു വാ​ർ​ത്ത​ക​ൾ ന​ൽ​കു​ന്ന​താ​ണു ഷാം​ഗി​ന്‍റെ വ​രു​മാ​നം. എ​ന്നാ​ലി​പ്പോ​ൾ അ​വ​രു​ടെ വാ​ർ​ത്ത​ക​ൾ ആ​ർ​ക്കും​വേ​ണ്ട. ഷാം​ഗി​ന്‍റെ സ​മൂ​ഹ മ​ാധ്യ​മ അ​ക്കൗ​ണ്ടു​ക​ളും അ​ധി​കൃ​ത​ർ മ​ര​വി​പ്പി​ച്ചു. നാ​ല്പ​ത്തി​യ​ഞ്ചു​കാ​രി​യാ​യ ഷാം​ഗി​ന​ിപ്പോ​ൾ ജീ​വി​ക്കാ​ൻ​പോ​ലും മാ​ർ​ഗ​മി​ല്ലാ​ത്ത അ​വ​സ്ഥ​യാ​ണ്. സ്വ​ത​ന്ത്ര മാ​ധ്യ​മ​പ്ര​വ​ർ​ത്ത​ക​യെ​ന്നു പ​റ​യു​ന്ന​തു​പോ​ലും അ​പ​ക​ടം വി​ളി​ച്ചു​വ​രു​ത്തു​മെ​ന്നാ​ണു ഷാം​ഗ് പ​റ​യു​ന്ന​ത്.

നി​ര​വ​ധി മാ​ധ്യ​മ​പ്ര​വ​ർ​ത്ത​ക​രാ​ണു ചൈ​ന​യി​ലെ ജ​യി​ലു​ക​ളി​ൽ ക​ഴി​യു​ന്ന​ത്. ചി​ല​ർ ജീ​വി​ച്ചി​രി​പ്പു​ണ്ടോ എ​ന്നു​പോ​ലും അ​റി​യി​ല്ല. ഷി ​ചി​ൻ​പിം​ഗ് ഭ​ര​ണ​ത്തി​ലും പാ​ർ​ട്ടി​യി​ലും കൂ​ടു​ത​ൽ ക​രു​ത്ത​നാ​യ​തോ​ടെയാ​ണ് മാ​ധ്യ​മ​ങ്ങ​ൾ​ക്കും മാ​ധ്യ​മ​പ്ര​വ​ർ​ത്ത​ക​ർ​ക്കു ഈ ​ദുർ​വി​ധി വ​ന്ന​ത്. സ​ത്യം പു​റ​ത്തു​കൊ​ണ്ടു​വ​രാ​ൻ ആ​രും അ​വ​ശേ​ഷി​ക്കു​ന്നി​ല്ലെ​ന്നാ​ണു രാ​ഷ്‌​ട്രീ​യ​ക്കാ​രു​ടെ അ​ഴി​മ​തി പു​റ​ത്തു​കൊ​ണ്ടു​വ​ന്ന​തി​ന് ഒ​രു വ​ർ​ഷ​ത്തോ​ളം ജ​യി​ലി​ൽ ക​ഴി​ഞ്ഞ ലി​യു ഹു ​എ​ന്ന മാ​ധ്യ​മ​പ്ര​വ​ർ​ത്ത​ക​​ൻ പ​റ​ഞ്ഞ​ത്.

2012ൽ ​അ​ധി​കാ​ര​മേ​റ്റ​നാ​ൾ​മു​ത​ൽ മാ​ധ്യ​മ​ങ്ങ​ളെ വ​രു​തി​ക്കു​നി​ർ​ത്തു​ന്ന​തി​ൽ ഷി ​ചി​ൻ​പിം​ഗ് പ്ര​ത്യേ​കം ശ്ര​ദ്ധി​ച്ചി​രു​ന്നു. ചൈ​നീ​സ് ക​മ്യൂ​ണി​സ്റ്റ് പാ​ർ​ട്ടി നി​യ​ന്ത്ര​ണ​ത്തി​ലു​ള്ള മാ​ധ്യ​മ​ങ്ങ​ളെ മാ​ത്രം പ്രോ​ത്സാ​ഹി​പ്പി​ക്കു​ന്ന ന​യ​മാ​യി​രു​ന്നു ഷി​യു​ടേ​ത്. സ്വ​ത​ന്ത്ര മാ​ധ്യ​മ​പ്ര​വ​ർ​ത്ത​ന​ത്തെ നി​ശ​ബ്‌​ദ​മാ​ക്കാ​നും ശ്ര​ദ്ധി​ച്ചു. പോ​സി​റ്റീ​വ് എ​ന​ർ​ജി പ​ര​ത്തു​ക​യെ​ന്ന​താ​ണു മാ​ധ്യ​മ​ധ​ർ​മ​മെ​ന്ന​താ​ണു പ്ര​സി​ഡ​ന്‍റ് ഷി ​ചി​ൻ​പിം​ഗി​ന്‍റെ അ​ഭി​പ്രാ​യം. ഇ​തു സാ​ധി​ക്കാ​നു​ള്ള എ​ളു​പ്പ വ​ഴി​യും പ്ര​സി​ഡ​ന്‍റ് മാ​ധ്യ​മ​പ്ര​വ​ർ​ത്ത​ക​ർ​ക്കു പ​റ​ഞ്ഞു​കൊ​ടു​ക്കു​ന്നു. "പാ​ർ​ട്ടി​യെ സ്നേ​ഹി​ക്കു​ക, പാ​ർ​ട്ടി​യെ സം​ര​ക്ഷി​ക്കു​ക, പാ​ർ​ട്ടി​യെ സേ​വി​ക്കു​ക'. ഇ​തു ചെ​യ്താ​ൽ മാ​ധ്യ​മ​ധ​ർ​മം പാ​ലി​ക്കാ​മെ​ന്നു മാ​ത്ര​മ​ല്ല സ​മൂ​ഹ​ത്തി​ൽ പോ​സി​റ്റീ​വ് ഊ​ർ​ജം പ്ര​സ​രി​പ്പി​ക്കു​ക​യും ചെ​യ്യാം. ഈ ​ചൈ​നീസ് മോ​ഡ​ൽ ഇ​പ്പോ​ഴ​ത്തെ പ​ല നേ​താ​ക്ക​ളും ഏ​റ്റെ​ടു​ത്തു കൂ​ടെ​ന്നി​ല്ല, അ​ല്ല, അ​വ​രി​ൽ പ​ല​രും ഇ​പ്പോ​ൾ ഇ​തൊ​ക്കെ​യാ​ണ​ല്ലോ ചെ​യ്യു​ന്ന​ത്.

തോ​ക്കു മ​ട​ക്കാം

ആ​യു​ധ​ങ്ങ​ൾ കൈ​യി​ലി​രിക്കു​ന്ന​ത് അ​ത്ര ന​ന്ന​ല്ലെ​ന്നു ന്യൂ​സി​ല​ൻ​ഡു​കാ​ർ മ​ന​സി​ലാ​ക്കി​ത്തു​ട​ങ്ങി. നി​ര​വ​ധി ന്യൂ​സി​ല​ൻ​ഡ് പൗ​ര​ന്മാ​ർ ത​ങ്ങ​ളു​ടെ കൈ​വ​ശ​മു​ള്ള തോ​ക്കു​ക​ളും മ​റ്റും സ​ർ​ക്കാ​രി​നെ തി​രി​ച്ചേ​ൽ​പ്പി​ക്കു​ക​യാ​ണ്. ക്രൈ​സ്റ്റ് ച​ർ​ച്ചി​ൽ ന​ട​ന്ന ഭീ​ക​രാ​ക്ര​മ​ണ​ത്തി​നു​ശേ​ഷ​മാ​ണ് ആ​യു​ധ​ങ്ങ​ളോ​ടു​ള്ള വി​പ്ര​തി​പ​ത്തി ന്യൂ​സി​ല​ൻ​ഡു​കാ​രി​ൽ വ്യാ​പി​ച്ച​ത്.

നാ​ലു​മാ​സം മു​ന്പു​ണ്ടാ​യ ആ​ക്ര​മ​ണ​ത്തി​ൽ 51 പേ​ർ കൊ​ല്ല​പ്പെ​ട്ട ക്രൈ​സ്റ്റ് ച​ർ​ച്ചി​ലാ​ണ് ഏ​റ്റ​വും കൂ​ടു​ത​ലാ​ളു​ക​ൾ ആ​യു​ധം തി​രി​ച്ചേ​ൽ​പ്പി​ച്ചി​രു​ന്ന​ത്. ന്യൂ​സി​ല​ൻ​ഡി​ലെ ആ​യു​ധ ഉ​പ​യോ​ഗ നി​യ​മം കൂ​ടു​ത​ൽ ക​ർ​ശ​ന​മാ​ക്കു​ന്ന​തി​ന് ഈ​യി​ടെ ചി​ല നി​യ​മ ന​ട​പ​ടി​ക​ൾ സ്വീ​ക​രി​ച്ചി​രു​ന്നു. പ്ര​തി​പ​ക്ഷ​വും ഇ​തി​നോ​ടു സ​ഹ​ക​രി​ച്ചു.

ലോകവിചാരം / സെ​ർ​ജി ആ​ന്‍റ​ണി