ചാത്തന്നൂർ : ഇത്തിക്കര പാലത്തിൽ സ്വകാര്യ ബസിനടിയിൽപ്പെട്ട ബൈക്ക് യാത്രക്കാരിയായ വിദ്യാർഥിനി മരിച്ചു. ആലപ്പുഴ കാവാലം പുതുവൽ വീട്ടിൽ സത്യദാസിന്റെ മകൾ ഹരിത (24) യാണ് മരിച്ചത്. ഇന്നലെ രാവിലെ 11 ഓടെ ഇത്തിക്കര പാലത്തിലായിരുന്നു അപകടം. ഹരിതയുടെ സുഹൃത്ത് ക്ലമന്റ് ജീസൺ മാത്യു പരിക്കുകളോടെ രക്ഷപ്പെട്ടു.
ചാത്തന്നൂർ ഭാഗത്ത് നിന്നും കൊല്ലം ഭാഗത്തേക്ക് പോകുകയായിരുന്ന പ്രൈവറ്റ് ബസ് അതേ ദിശയിൽ ഇടത് ഭാഗത്ത് കൂടി വന്ന ബൈക്കിൽ ഇടിക്കുകയായിരുന്നു.
പാലത്തിലെ ഡിവൈഡറിനും ബസിനും ഇടയിൽപെട്ട് പെൺകുട്ടി ബസിനടിയിലേക്ക് വീഴുകയായിരുന്നു. പെൺകുട്ടിയുടെ വയറിൽ ബസിന്റെ പിൻചക്രം കയറിയിറങ്ങി. നാട്ടുകാർ ഉടൻതന്നെ കൊട്ടിയത്തെ സ്വകാര്യ ആശുപത്രിയിൽ പ്രവേശിപ്പിച്ചുവെങ്കിലും മരണം സംഭവിച്ചു. മൃതദേഹം ആശുപത്രി മോർച്ചറിയിൽ. നടയ്ക്കലിലെ സ്വകാര്യ ബാങ്ക് കോച്ചിംഗ്സെന്ററിലെ വിദ്യാർഥിനിയാണ് ഹരിത. ചാത്തന്നൂർ പോലീസ് കേസെടുത്തു മൃതദേഹം ഇന്ന് പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടു കൊടുക്കും. അമ്മ: ഷീജ . സഹോദരി: ഹർഷ.
സ്വകാര്യ ബസിനടിയിൽപെട്ട് വിദ്യാർഥിനി മരിച്ചു
12:47 AM Nov 27, 2022 | Deepika.com