കൊല്ലം: ക്രിസ്തുരാജ് ഹയർ സെക്കൻഡറി സ്കൂളിന്റെ വജ്ര ജൂബിലി ആഘോഷം ഇന്ന് നടക്കും.
രാവിലെ ഒമ്പതിന് ദീപശിഖാ റാലി സ്കൂൾ സ്ഥാപിച്ച ദൈവദാസൻ റവ.ഡോ. ജെറോം എം. ഫെർണാണ്ടസിന്റെ കബറിടത്തിൽ നിന്നും ആരംഭിക്കും. കോർപ്പറേറ്റ് മാനേജ്മെന്റ് എഡ്യൂക്കേഷണൽ സെക്രട്ടറി ഫാ.ബിനു തോമസ് റാലി ഫ്ലാഗ് ഓഫ് ചെയ്യും.
11 - ന് അസംബ്ലി ഡയസിന്റെയും നവീകരിച്ച ജൂബിലി ഹാളിന്റെയും ഉദ്ഘാടനം കൊല്ലം രൂപത മെത്രാൻ റവ.ഡോ. പോൾ ആന്റണി മുല്ലശേരി നിർവഹിക്കും.
ഉച്ചകഴിഞ്ഞ് 2.30 ന് പൊതുസമ്മേളനം മന്ത്രി ആന്റണി രാജു ഉദ്ഘാടനം ചെയ്യും. ലോക്കൽ മാനേജർ ഫാ.സേവ്യർ ലാസർ അധ്യക്ഷത വഹിക്കും. എൻ.കെ. പ്രേമചന്ദ്രൻ എംപി മുഖ്യപ്രഭാഷണം നടത്തും.
സോഷ്യൽ മീഡിയ പ്ലാറ്റ് ഫോം എം. നൗഷാദ് എംഎൽഎ ഉദ്ഘാടനം ചെയ്യും. കൊല്ലം രൂപത കോർപ്പറേറ്റ് മാനേജ്മെന്റ് എഡ്യൂക്കേഷണൽ സെക്രട്ടറി ഫാ.ബിനു തോമസ് അനുഗ്രഹ പ്രഭാഷണം നടത്തും.
പ്രിൻസിപ്പൽ ജി. ഫ്രാൻസിസ്, ജി.രാജീവ്, എ.കെ. സവാദ്, ജെ. തങ്കമണി, ആന്റണി പീറ്റർ, പ്രഫ. പ്രേം ഏലിയാസ്, ഷേർളി മാനുവൽ, ഹെഡ്മാസ്റ്റർ എ. റോയിസ്റ്റൺ തുടങ്ങിയവർ പ്രസംഗിക്കും.
1948-ലാണ് ക്രിസ്തുരാജ് സ്കൂൾ സ്ഥാപിച്ചത്. ആദ്യ കാലത്ത് ആൺകുട്ടികൾക്കും പെൺകുട്ടികൾക്കും ഒരുമിച്ച് പഠിക്കാൻ അവസരം ഉണ്ടായിരുന്നു. എന്നാൽ 1962 സെപ്തംബർ 17 ന് വിദ്യാലയം ക്രിസ്തുരാജ് സ്കൂൾ ബോയ്സ് ആയി മാറി.
1998-ൽ സ്കൂളിൽ പ്ലസ്ടു സ്ഥാപിതമായി. ഇതിന്റെ സിൽവർ ജൂബിലിയിലേയ്ക്കും സ്കൂൾ കടക്കുകയാണ്. പ്രമുഖരുടെ പട്ടികയിലുള്ള ക്രിസ്റ്റി ഫെർണാണ്ടസ്, ഡോ.ജോൺ സഖറിയ, അഡ്വ.വി.രാജേന്ദ്ര ബാബു, അനിൽ സേവ്യർ തുടങ്ങിയവർ സ്കൂളിലെ പൂർവ വിദ്യാർഥികളാണ്.
ക്രിസ്തുരാജ് ഹയർ സെക്കൻഡറി സ്കൂൾ വജ്രജൂബിലി ആഘോഷം ഇന്ന്
10:55 PM Nov 24, 2022 | Deepika.com