ചവറ: സരസ്വതി മണ്ഡപത്തില് ലിപി സരസ്വതി പൂജ ഒരുക്കി ശങ്കരമംഗലം കാമന്കുളങ്ങര മഹാദേവ ക്ഷേത്രം. ക്ഷേത്ര സരംക്ഷണ സമതി സംഘടിപ്പിച്ച ചടങ്ങില് എഴുത്തിനിരുന്ന കുരുന്നുകള് മുതല് വയോധികര് വരെ ലിപി സരസ്വതി പൂജയില് പങ്കെടുത്തു.
അരിയില് പഴയ മലയാള ലിപിയിലായിരുന്നു ലിപി. അക്ഷര പൂജയില് ഭക്തിയോടെ എഴുതാന് നൂറുകണക്കിന് ഭക്തര് പങ്കെടുത്തു. രാവിലെ എട്ട് മുതല് തുടങ്ങിയ ചടങ്ങ് 11.30- ഓടെയാണ് അവസാനിച്ചത്. മണ്ഡപത്തില് അക്ഷരങ്ങള് എഴുതാനിരുന്നവര്ക്ക് കാണാന് പാകത്തില് സംവിധാനം സജ്ജമാക്കിയിരുന്നു. ഇത് നോക്കിയാണ് പൂജയില് പങ്കെടുത്തവര് അക്ഷര ദേവിയെ സ്തുതിച്ചത്. മുടക്കം കൂടാതെ വിജയ ദശമി ദിനത്തില് നടത്തി വരുന്ന ഈ ചടങ്ങില് പങ്കെടുക്കാന് ദൂരെ ദേശത്ത് നിന്നും പോലും ഭക്തരെത്തി. സ്ത്രീകളും പുരുഷന്മാരും ഉള്പ്പെടെ ലിപി പൂജയില് പങ്കെടുത്തു.
ലിപി സര്വസ്വതി പൂജ ഒരുക്കി കാമന്കുളങ്ങര ക്ഷേത്രം
11:26 PM Oct 06, 2022 | Deepika.com