കൊല്ലം: കാർഷിക മേഖലയിൽ ഉത്പാദനവും സംഭരണവും സംസ്കരണവും, മൂല്യവർധിത ഉത്പന്നങ്ങളുടെ നിർമാണവും വിപണനവും ലക്ഷ്യമാക്കി രൂപീകരിച്ച ദേശിംഗനാട് ഫാർമർ പ്രൊഡ്യുസർ കമ്പനിയുടെ ഉത്ഘാടനം ഇന്ന് രാവിലെ 10ന് ചാത്തന്നൂർ ഊറാംവിള എംപയർ ഓഡിറ്റോറിയത്തിൽ നടക്കും.
കേന്ദ്ര വിദേശകാര്യ പാർലമെന്ററി കാര്യസഹമന്ത്രി വി. മുരളീധരൻ ഉദ്ഘാടനം നിർവഹിക്കും. എൻ.കെ.പ്രേമചന്ദ്രൻ. എംപി ഷെയർ സർട്ടിഫിക്കറ്റ് വിതരണം ചെയ്യും.
ഇൻപുട്ട് സെന്റർ ഇത്തിക്കര ബ്ലോക്ക് പഞ്ചായത്ത് പ്രസിഡന്റ് എൻ. സദാനന്ദൻപിള്ള ഉത്ഘാടനം ചെയ്യും. കസ്റ്റം ഹയർ സെന്റർ ചാത്തന്നൂർ ഗ്രാമപഞ്ചായത്ത് പ്രസിഡന്റ് റ്റി. ദിജു ഉത്ഘാടനം ചെയ്യും
ജില്ലാ പഞ്ചായത്ത് അംഗം ശ്രീജഹരീഷ്,ബിജെപി കൊല്ലം ജില്ലാ പ്രസിഡന്റ് ബി.ബി. ഗോപകുമാർ, യുഡിഎഫ്.ജില്ലാ ചെയർമാൻ ജി. രാജേന്ദ്രപ്രസാദ്, ഡിസിസി ജനറൽ സെക്രട്ടറി സുഭാഷ് പുളിക്കൽ, സിപിഐ ചാത്തന്നൂർ മണ്ഡലം സെക്രട്ടറി ആർ. ദിലീപ്, ഗ്രാമപഞ്ചായത്ത് അംഗം ലീലാമ്മ ചാക്കോ, ദേവികുളം കൃഷി വകുപ്പ് അസി.ഡയറക്ടർ പ്രമോദ് മാധവൻ, ചാത്തന്നൂർ അഗ്രികൾച്ചർ ഓഫിസർ മനോജ് ലൂക്കോസ്, കമ്പനി സിഇഒ. റ്റി. ആർ. രാഗേഷ് എന്നിവർ പ്രസംഗിക്കും.
പത്രസമ്മേളനത്തിൽ കമ്പനി ചെയർമാൻ എസ്. വി. അനിത്ത്കുമാർ, സിഇഒ റ്റി. ആർ. രാഗേഷ്, രാജീവ് ആദിച്ചനല്ലൂർ, ഷാജി പ്ലാക്കാട്, ജയൻ കല്ലുവാതുക്കൽ എന്നിവർ പങ്കെടുത്തു.
ദേശിംഗനാട് ഫാർമർ പ്രൊഡ്യൂസർ കമ്പനി ഉദ്ഘാടനം ഇന്ന്
11:20 PM Sep 25, 2022 | Deepika.com